[皮膚問題][多字]暗瘡 濕疹 帶狀疱疹 生蛇

第一次連登開post 以往一直係深潛者

主要想發洩情緒 或者大家分享意見
咁多年黎自己既皮膚都出現過大大小小既問題
由一開始中學爆瘡 到後來濕疹 期間又遇上帶狀疱疹(鼻翼部位)同生蛇(腰位)
一開始都抱住積極既心態面對自己既皮膚問題 暗瘡就戒糖戒奶戒炸嘢 到後尾食埋A酸 食左1年 真係變好左好多 當時真係好開心 感覺自己終於變番做個正常人
但一年後爆濕疹 同暗瘡唔同 起一撻撻紅色嘢 睇完皮膚科醫生 頭幾日用類固醇藥膏 情況改善再用非類固醇藥膏 平日亦不斷保濕 但過一陣子又會復發 好易痕 同feel到塊面紅
期間仲有帶狀疱疹同生蛇 不過呢啲都好易解決 當時醫生開藥 一個星期左右都好番

直到近呢幾日 濕疹又再復發 book左聽日睇醫生
見到鏡入面自己臉又紅又嚡 或多或少真係會心酸 同埋個人抑鬱 知道自己皮膚比其他人差 會為左令自己皮膚變好而做各種努力
但有時會感覺條路冇終點 好似我呢世都無可能變番做正常人既皮膚 感覺好絕望 望住其他人既皮膚 心裡面諗如果我皮膚都係咁就好 會經常羨慕其他人 唔係話皮膚要點光滑閃亮 只係想有正常人咁既膚質

濕疹真係俾我一種「努力都解決唔到問題」感覺以往無論係成學業 工作 定家庭 即使問題嚴峻 但努力都總會有成果 學業就花多d時間去溫 管理好自己溫習時間 工作就進修自己 增加個人競爭力 搵更好既工作 家庭就溝通 互相幫助 最後總會克服到難關 但似乎濕疹真係無解

放負完 多謝大家睇完我篇千字文 以下分享d實際資訊

保濕潤膚黎講 好多post推薦
cerave cream 或者凡士林 大家點睇
黎緊我應該會買凡士林 嘗試一下成效 之前一直固定用開另一個保濕產品 但效果一般

另外 自己一直都有用開醫生俾既非類固醇藥膏 膚樂得 有冇同路人用過 我感覺濕疹唔嚴重既時候都有用
但一爆就只能靠類固醇 但都怕用得多類固醇 會反彈

另外有個疑點係我只係面部皮膚有濕疹 其他手手腳腳都無問題 懷疑會唔會係有邊樣護膚品唔適合我？ 其他方面都已盡做 例如飲食極清淡 差在未食齋

歡迎大家俾意見我 希望各位同路人都可以有皮膚好番既一日
最後講下笑放鬆下 琴日口罩令解除 但爆濕疹 所以諗住都係戴口罩遮掩下 但最終放棄左呢個念頭 等大家望下我個柒頭 本身已經樣衰 仲要濕疹 令你有想洗眼既衝動 😂

做運動好有用 試吓夜晚跑下步 唔使驚曬

早排濕度爆燈果陣, 同你一樣起到一撻撻紅色嘢咁, 勁痕勁辛苦
跟住有朋友介紹睇長沙灣一個中醫
睇左頭兩次, 飲大約一星期藥已經明顯收左
開頭飲都仲發得好勁, 好撚痕. 但係啲毒發左出黎之後
痾一星期屎又排左好多毒, 之後就好得好快, 起碼無再痕再發出黎
唔敢講條友係神醫, 但個中醫的確靠把脈, 睇得出一啲野
仲可以幫你煲埋, 拎個樽去裝走就得, 唔洗自己搞咁煩

信唔信就見仁見智, 依家我自己就認為呢個中醫好過睇西醫
利申:依家仲有睇, 仲有少少一撻撻, 但已經唔紅唔痕, 慢慢淺色散緊

係啊 呢排扚起心肝養成良好習慣 做運動係其中之一 目前盡量維持一星期至少三次
始終都係我僅存可以努力既點😇

我有個朋友都係中醫 黎緊可能會有機會幫我睇睇

樓主皮膚有冇好返啲
我塊面一路皮膚都好好無啦啦爆玫瑰痤瘡
幾排好困擾好唔開心日日都好冇心機

多謝大家俾我既建議同鼓勵 我都會去嘗試 目前主要中醫食藥 搽油膏 大量飲水 戒口 做運動 但必須坦白 其實我呢幾日並無好轉 反而差左 原因係我平日感覺保濕唔夠 好多時搽完醫生俾既油膏一兩個鐘皮膚好緊繃 今朝手賤搽咗以前隻保濕霜 咁就仆左街😭 估唔到用完會一直爆好多細痘 真係成面都係 我依加真係感覺自己蠢過隻豬😞

所以今天即係再搵中醫醫生求救 轉左另一份中藥食 亦唔敢搽油膏以外既野 連cerave cream我都停埋 最多用完油膏敷多一層凡士林

大家要加油 我係乾性既濕疹 面部油脂對我好重要 之前食過A酸令自己皮膚乾左好多 所以好易導致濕疹 (雖然有濕疹 但又有生一兩粒石頭瘡 真係俾佢吹漲😑)

近呢幾日因為實習 一定要見人 但濕疹令自己好冇自信 呢幾日夜晚諗諗吓都會流眼淚 但係各大濕疹group睇到大家鼓勵 同路人之間互勉 感覺條路並唔孤獨

PS:作為大家參考 唔適合我用既保濕霜既名係L’Oreal Paris 男士保濕霜 唔係詆毁呢個品牌 只係我不太適合用

半年後既自己 你一定一定會俾之前好好多！！！
加油 唔好放棄

有冇名/ 大概位置，依幾日好痕

同求相關醫生名/地址

濕疹爆緊，求地址，萬分感激

時隔兩個月 update下自己進度 記錄同埋當激勵自己 依加冇再食中藥 因為食左兩個月都冇咩變化 中醫可能未必適合我

反而睇番西醫(陳厚毅醫生 好貴😭但希望會好番)食抗敏藥同保濕 保濕完會再用凡士林 感覺真係幾有用 至少面唔會極乾同甩皮 但都會一時時痕癢同少少乾 痕癢既感覺就好似有蚊係咁掂到塊面 會不時想摸下塊面 都好多時會影響到自己日常生活 做做下野又會因為少少癢而分心

做左過敏測試 對塵蟎過敏 當日就做左大掃除 洗曬房間所有野 唔知有冇用 但依加都冇咩進展 只好咩都做足 下次睇醫生再問點樣完全消除塊面果種微微既痕癢感

如果冇左呢種痕癢感 個人真係會舒服好多 至於塊面好鞋同面上留低既紅印可以之後再處理

漫長既戰役 共勉之 祝大家皮膚都可以靚靚

可唔可以講多d 有冇其他醫生好推薦？
其實皮膚既問題對我造成極大困擾
時間長都唔緊要 只要可以好番就得😭

Update下依加情況

醫生話我係玫瑰痤瘡 最煩係右邊面會keep住發熱 有種焗熱既感覺 唔癢 但本來皮膚乾 所以有種皮膚扯住同熱既感覺 開左抗敏 目前打左3次彩光 臉上紅既位少左 但都係有 問題在於我係冷氣房 半邊面都會持續發熱 另外留左好多痘印係臉上 基本上一個月先消 但可能期間又生新既瘡

其實我係咪應該轉打激光 諗住下次再問下醫生 目前都係希望右面唔好發熱 極唔舒服

最近用左b5 gel bicelle既保濕精華 咁就嚴重左 頭幾日都冇咩野 一個星期後臉上生左好多瘡同粉刺 塊臉唔單止紅 仲好癢 一放鬆就feel到又熱又癢 人都癲 想死既心都有 為左呢個病付出好多心血 時間 錢財 好似都冇用 條路冇盡頭 我怕有日真係會一死了之

我只係想要健康正常既皮膚 如果可以好番 我咩都願意做 有冇人曾經都好嚴重玫瑰痤瘡 但之後好番 想知你睇咩醫生 用開咩護膚產品

我依加去緊睇皮膚科醫生(一直睇開佢) 睇左半年有多 做左三次彩光 但情況都冇好明顯改善 有冇咩醫生推薦(最好可以平d 但如果work 我都唔介意用多d錢)

Update下最新情況 實情係上黎訴苦 事關呢半年睇醫生 後來做果酸治療 主要去埋d暗瘡印 情況一直有好轉 皮膚都穩定左好多 至少唔會好似之前咁紅同好痕既感覺

但前兩日做完第三次既果酸治療 第日訓醒就發現T字位同鼻樑位生左好多粒瘡 細細粒膿皰咁樣 但都可能有10粒 仲要一夜生咁多粒 頹左

聽日預約醫生睇下點搞 想問下有冇同路人曾經做完果酸有爆瘡既經