[動畫POST]進擊的巨人The Final Season(84) 完結篇(前篇)

只可以話團長一早就已經參透左真理
只有地球上只剩低一個人類嘅時候先唔會有紛爭

鬥爭係人類嘅本質

點解大家接納到戰槌做英雄
相反柏島就一定係惡魔
講到尾種族只係籍口
根本人類就係要建立共同敵人先會團結

Ok

唔需要真心結盟, 只係需要有足夠國力去令其他國家背叛唔到你, 透過鍊住人春袋去令人為你帶來著數, 現實強國同弱國間就係咁運作

至於點用地鳴做武器黎迫人交涉, 一步步變類似美國咁既國家, 就係要處理既問題

一鳩野殺哂就算先係放棄思考既做法

問我就一定係冚球剷最好
但寫故事如果咁寫會好難寫得好
冇可能做左幾季結局係射核彈大家唔洗打
會變左成套野毫無意義

完全未睇過巨人揮手

Netflix 忽然上晒全套，之前只有第三季

宜家可以一口氣去追晒佢

以我理解並唔係無可能 正正因為你有巨人之力 我驚咗你所以先肯簽 好打嗰一方主動同你簽條約喔 如果佢有心打你 仲會唔會搞呢啲？再者撇開呢個問題唔講 弱嗰方根本就無say 阿爾敏佢地有巨人之力真係可以話簽就簽 情況就好似以前啲國家勁嗰邊逼弱嘅簽不平等條約 係個個都知不平等㗎啦，但係你可以點？你又唔夠人打 難得人地話和平 即使你知人地可能係虛情假意，但你有得揀咩？

想問問netflix 今次係唔係未/唔上?

但係出面既軍事實力已經去到近現代
而家除左地鳴之外巨人已經唔再有壓倒性優勢
再發展落去遲早進步到你地鳴都登陸唔到
甚至去到有原子彈可以滅左帕島

咁事實上佢地經歷都特別多
耶格派除左佢之外其他多數都係巨人都未見過既新兵

咁咪用地嗚打到佢地無得再發展
好似伊蓮娜咁講
摧毁左幾個大國主要地方之後基本上直接變弱國
到時佢地無得唔同你傾
到時建立不平等既同盟關係 限制佢地任何活動都仲得
好似美國唔鳩比人發展核武一樣

Netflix已經上左

好認同
其實我唔係想要自己鍾意果個結局
我係想動畫可以交代得清楚啲原作可能行得太快既內容同人物心理描寫
第一集呢一個鐘真係做得到，好爽
繼續keep落去，巨人值得更多既關注同熱度
雖然佢拖長左黎做

咪係 以色列有能力都唔需要屠哂巴勒斯坦人啦
佢真係無敵軍事實力成個世界任佢玩都得啦 玩返艾爾迪亞優越主義都得 用幾世紀propaganda洗哂全世界腦(自古以來都係咁 只係近代先變過街老鼠)
有日本盟友+超強能源+無敵軍事實力 再解放眾多被瑪雷侵佔少數民族 還返佢地土地由佢地獨立 又多幾個國際盟友 做國際大佬都得啦

再諗下 你殺哂全島外人就以從此世界和平美好人生?
成個世界重建利益點分配? 之後一定有人移民島外 漸漸分黨派地區 有利益衝突 自己隻抽囉 分分鐘又變返古代咁九大巨人家族互片戰爭囉 完全無外患都唔係一件好事

島外科技一日千里，非地鳴式的巨人之力已經對佢地無效
小型地鳴重創聯軍一定逼到人地簽和約

但過多十年二十年發明埋核彈/長程導彈，仲會驚地鳴？

吉克的方式係有效，但前提係所有艾爾迪亞人願意，只要有一小部分人唔同意，佢地就會係另一個復權派去密謀奪權

殺到全世界得返艾爾迪亞人>洗腦全人類移除暴力基因>變成真正paradise

極端啲黎講, 島外科技一日千里, 咪殺哂擁有科技個班
強制令佢地軍事&經濟上倒退
咁點十年二十年發明長程導彈？

只係畫風人設問題，wit人設美型啲，畫崩左你都會覺得靚過mappa，mappa人設嗰度就每人木偶鼻，鞋抽下巴，女角又畫得大隻，人哋就算已經跟足人設圖你都會覺得係崩

有

所以唔係停係和約 然後咩都唔做咁on9囉
佢要做既係借呢股無敵軍事實力成為世界大佬 作為科技軍事經濟能源糧食世界第一大國 扶植/勾結國際盟友 成立軍事同盟聯 簡單講就係做美國囉

唔會再比敵國發明到核彈導彈

睇完，喊到我口水鼻涕出哂，僅次於part 3團長之死，嗰次真係太壯烈一開頭艾倫身不由已嘅獨白我已經眼濕濕，之後佢對住中東細路喊嘅時候，我就跟住佢一齊流眼淚個心跟住kaji把聲戚下戚下，kaji真係配得太好，mappa都將人物表情畫得好好，大讚係超大巨踩死人完全冇cut到畫面，人爆漿都畫埋出嚟，咁先體現到究竟地鳴幾殘酷，更加明白艾倫有幾痛苦

係啊 所以我個問題係針對現階段情況回應嗰位巴打 更何況我地無辦法估計科技發展速度可以有幾快 唔知幾時先有毀滅性武器發明 所以更加要趁巨人仲有震懾力就同佢地簽互不侵犯條約

同埋簽咗，就啱阿爾敏佢哋心水，因為佢地本身都想講和，而瑪雷嗰邊，死到臨頭想簽約，係屬於balance of threat嘅一種，佢地更加會想簽 所以講到最後點都無可能話「因為你有巨人之力反而更加唔簽」，呢個講法有機會 但唔係絕對 呢樣嘢係嗰位巴打口中講得太死 我淨係覺得呢個講法好難絕對地成立 呢樣係我想指出嘅嘢

而阿爾敏諗法就係想趁地鳴嘅巨人仲帶到恐懼俾人，快快手簽約 一旦簽咗起碼短期內代表有安穩日子過 當然你可以話簽咗都唔代表到啲咩，到時可以反口，當人地有核彈就炸鳩你 但呢啲已經係後話 而且亦係無辦法估計到究竟會唔會發生嘅嘢嚟，因為中間呢段時間點處理可以影響好大。至少依家爭取咗時間先，之後就係國際關係嘅問題

所以阿爾敏諗法我估佢就係想爭取咗時間先 你見佢下下都主張「傾下」呢個做法，就知時間先係佢所有嘅plan入面最重要嘅元素 無足夠時間嘅話你點傾

大約意思係咁，要認真討論仲要好多位都要拉埋出嚟講btw已經好耐無係巨人post打咁多嘢 今次呢集真係好好睇