同另一半經常有爭拗，決定做個Yes man

但女人係感受到你只係晦氣地認同
唔係真心認同 其實一樣會出事

https://youtu.be/dF6ce2GTv7c

好快say yes都係你錯

其實你上面埋說話反映緊你一直個做法背後為緊啖氣

你想證明自己係啱 你老婆係錯

你想佢跟你嗰套做法 你想證明自己比佢優勝


人與人嘅互動係雙向 你嘅說話只係你表達嘅其中一少部分

你心入面有呢種態度 就算你把口講野幾理直氣壯都好

你老婆一樣 feel 到你只係想壓制佢

而當一個人感覺到被人壓制嘅時候就必然會想反抗

久而久之形成你地嘅相處模式就係互相對抗


你對上一次讚你老婆係幾時 ?

你對上一次拖佢手攬住佢又係幾時 ?

你對上一次令到你老婆笑係幾時 ?


你唔改變你個心態 唔改善你地之間嘅關係

話知你拎住全世界嘅道理都好

你都唔會得到你老婆嘅認同

反而你只會令大家因為鬥氣不惜變到蠻不講理


你睇上面班友留言圍爐就死得啦

個個同你講女人就係野蠻架啦 忍啦

一係就叫你再更加理性分析

結婚係要共同勝利
有咗小朋友你仲分自己同老婆嘅輸同贏.....

佢唔想做
你覺得除左say yes 之外，你仲可以做d 咩？

話姐咁講 如果唔係牽涉大量金錢 甚至條命

應該俾空間另一半試下 佢個套

如果佢衰左，你個時就大條道理講。

如果佢成功，你咪試下欣賞佢諗法嘍。

無論得定唔得， 都避開左好多無謂爭拗

女人生完小朋友控制情緒嘅能力會變差，有研究證實

滿足社會定型咗嘅需求

唱首歌你聽
「其實自己一個更開心⋯」

原來有人同我一樣等我仲以為自己係異類

I don't know, but always sup you

做狗唔會換黎安寧嘅
你只會越黎越悲賤
最後你存在都係錯

the same applies to you

對對方黎講，你又何嘗唔係迫緊人接受你嘅方案？
我覺得係大事上不能讓步，
但一開始應該講清楚搵共識，
小事上就可以讓步


例如點用錢係大事（不能讓步），
但用錢買意粉定買米食就係小事（可讓步）

以你太太買迪士尼英文書為例，
你地分歧點係邊？

係太貴，out budget負擔唔起？（不能讓步）
定你覺得無需要，但對方覺得有需要？（可讓步）


如果係因為out budget唔夠錢，
咁其實要讓嘅係你太太，
例如話，佢可以照買，但可以唔一次過買晒（據我所知成套好似萬萬聲），
同埋揀買二手，
佢可以只買最需要果部分先，用住先，
之後先慢慢每月儲起錢，之後補齊全套

同埋喺買咗一部分返黎果時，
佢自己都可以觀察下佢有冇真係好勤力陪讀（啲用家話一定要有人陪讀先有用），
如果買咗返黎半年，
佢同你都無郁過啲教材，
你再說服佢唔好再買其他野都未遲

而如果佢真係半年間好勤力陪仔學英文，
咁其餘果啲教材都抵比啦，最緊要成日用

我建議你唔好
只會變本加厲，愈yes man 愈覺得你廢柴

其實你應該同佢傾好空間分配同金錢分配

正如你攞咗每月零用錢，
你攞去買遊戲買飛睇戲，對方無權過問
對方攞咗自己零用錢買化妝品，你都係無權過問

至於屋企空間其實都需要界定
例如每人有兩個大櫃，個櫃入面放乜自己野都得
但放咗去出面就唔ok，同起樓間單位一樣
你唔會將自己野亂放去屋企門外
如果塞爆咗自己櫃，就要掉野

關咩事吖，未生都係咁上下，反而生左顧細路先唔得閒同男人嘈

同意，要令女人識得分莊閑
令佢驚，先會真正尊重你
https://youtu.be/6kvTqewzZos

睇左呢條片希望樓主有得着
有d女人唔死到臨頭都唔會用女人自己既長處

同呢啲女人相處真係好辛苦，你講多無謂，咩都就佢你都好難捱

唉，你都不幸，最尾先發出嚟冇得估，搞到咁咩都就佢，我都驚步你後塵

可以話好偉大爸爸，為bb 犧牲自己