夏天養龍貓

新手
夏天將至
請問應該點做

我做過唔少research
似乎買個有冷氣嘅櫃籠最適合
但係香港好似冇得買
得淘寶有

各位養開龍貓嘅有冇介紹/經驗分享

冷氣係必須
另外有冰屋，雪種
散熱跳板
雲石都係佢地最鐘意

其實唔適合當地天氣嘅嘢就唔好玩啦，真係好麻煩又唔環保

一律建議冷氣長開，想慳電啲換變頻冷氣

去入 龍貓fb group先，去睇下人哋嘅心得+分享

有冷氣嘅櫃籠 好似要小心有水珠冒起，
一整濕龍貓就易病
同埋唔知溫度夠唔夠
放冰種又怕有潮濕/ 冒水珠問題

要通風，
因為一焗就易中暑，
櫃籠唔通風，夏天又易潮濕
所以真係長開冷氣

龍貓太難養，當然都要睇天生體質好唔好

有啲天生咬合不正，會影響到食草，
越大越唔咬合不正會影響食草量+痛 就會越食越少
有啲天生腸胃唔好，易消化不良，
龍貓個腸胃一出問題，
可以好嚴重 勁矜貴

龍貓好揀飲擇食，
通常要試買幾種唔同嘅草，
睇下邊隻佢岩食
佢地可以唔中意食 所以唔食，餓到出事睇醫生
（當然可能喺佢地角度 覺得呢啲唔係正常草所以唔食得）
除左食草仲要食乾糧/ supplement

要定期磅重，體重好重要‼️
門牙都要定期檢查，
應該係話 牙齒嘅情況 會影響到佢地食多/食少

腳板底 會生腳瘡，要防止呢個情況就要用軟墊/墊材

要定時定候放出籠玩！
有啲龍貓性格好敏感，易有情緒問題，
一焦慮就咬甩身上嘅毛甚至咬到自己流血
有啲好痴人，你唔同佢玩佢會唔開心會抑壓，
心情好影響到佢地嘅身體


要學識睇身體病徵
因為龍貓唔舒服唔會好似狗仔咁 咁明顯
要知 點樣係中暑🥵
點樣 係食慾不振
點樣係 懷疑腸塞
點樣係便秘 等等


香港醫龍貓得幾個係算ok,
但始終好多人book期睇醫生，
往往最少等成個星期至半個月
而且費用同養貓狗一樣咁貴，
可以幾千蚊起跳

其實最重要唔好熱
一熱就出事
我個隻養咗19年年紀太大係2年前過咗身