睇晒FAQ先再問
FAQ會不定時係list入邊update
Q：有咩地方好食/好玩㗎？
A：問之前請Google/YouTube，再唔係睇包膠
Q：有咩交通/地圖app推介？Google Map用唔用到？
A：Google Map喺韓國唔係好用到，要用就用kakao map/naver map。
使用方法：https://lih.kg/bsawsBV
Q：搭的士可以用咩app？
A：Uber或者tada都用到，至於kakao taxi要外國人登錄證先可以用，所以遊客係用唔到嘅。如果信用卡課唔到金，可以揀即場畀錢
Q：聖誕/元旦/農曆新年/中秋啲舖頭開唔開？
A：首先，任何大時大節想有嘢玩有嘢食，去弘大點都有舖頭開門
聖誕多數都會開，特別係餐廳係靠聖誕生意，而且韓國聖誕淨係放正日，踩中星期六日仲要冇補假，所以唔使驚冇得玩
元旦有啲舖頭會放假，連鎖會照開，踩中星期六日都係冇補假，所以最多休元旦正日一日
韓國農曆新年紅日大約放四日，初一之前嗰日放到初二，踩中星期六日會放多一至兩日，頭兩日多數都放假，部分舖頭初二就開返㗎啦，所以避免頭兩日嚟就ok
韓國中秋緊要過新年，一放就放5日假，講緊係全部都係紅日，啲舖頭好多仲要放足咁多日，冇咩事嘅話中秋唔好嚟韓國
Q：住酒店去邊度好？
A：嗱，呢啲冇乜標準答案嘅，最緊要睇你行程方便，香港最多人會揀去弘大（搭地鐵去機場方便，又係2號線），其次係明洞同東大門（平兼方便），個人認為首爾站同鍾路三街都not bad，江南站附近都ok但去景點有機會比較遠，但係呢度有絲打試過住永登浦，由於係紅燈兼酒吧區，點都有啲雜，自己一個人嚟（特別係女仔）最好就唔好住個頭啦
首爾嘅西南面又其永登浦區比較舊同雜，入面有個地方叫大林洞大部份強國人（朝鮮族）長居個頭，Crime rate應該係首爾入面最高，同埋入面都冇咩景點，其實冇咩都真化唔使同唔去個頭
Q：去韓國用咩卡好？
A：韓國電子payment非常普及，冇咩人用cash (都仲用得)，但Apple Pay係仲未用到，好似話個contactless payment system仲未傾得掂
用Wowpass好方便，debit card功能可以係餐廳舖頭碌卡，張卡仲連埋T money，唔洗再去垃圾明洞唱錢用手機app可以check account detail
https://www.wowpass.io
以rate來講，唔計手續費的話，最靚放前面
Mastercard > Visa >> Unionpay
Visa / Mastercard / Unionpay匯率都即時check到，銀聯有問過HSBC 佢話個匯率包個1%手續費，唔會另外再charge，visa/master就1.95%
如果你係用Unionpay嘅話個rate會靚過收手續費嘅Visa / Master，Visa / Master如果你張卡係免手續費 個rate會靚過Unionpay同街兌（好似會再靚明洞少少？)
依家最好我知嘅係:
HSBC銀聯卡（最紅all in賞世界2.4%，另外有個額外嘅：網上 2%），所以就去到2.4%左右嘅回贈，又唔洗扣手續費
HSBC Visa Signature（最紅all in賞世界3.6%，另外有個額外嘅：網上 2%），呢個就去到3.6%回贈，但就照要收返手續費1.95%
https://www.hkrates.com/cardrate/mastercard/krw.html
Q: 去邊度換錢好？
A: 你都係逼我答明洞姐，仲要要浪費時間專登去明洞，
Q: 朝早5點幾落機到，有冇邊度可以打發時間？
A: 建議先撘車去酒店前台放低行李先，之後可以去食個早餐，坐下cafe，之後開始你嘅行程，再唔係都有好多好靚嘅網吧可以hea下
Q：wowpass同namane用邊個好？
A：睇你自己需要，但呢度嘅巴絲推介wowpass多啲
by 先天不足:
wowpass申請費用5000won，地鐵站有機器自助辦理（仁川機場除外），可以直接入港紙500/1000兌換won落wowpass內，上限100萬won
可以提現，每次最多10萬won，每次手續費1000won
wowpass內包含t-money，但兩者金額不共通
by虎嫂:
Wowpass機位置可以上網/app睇 app入面仲有即時匯率參考，Wowpass絕大部份地方都用到，只要個度收卡就得，餐廳/小店/便利店/olive young/cafe等等，普通去旅行完全唔需要擔心，
Q：首爾幾時有雪睇？
A：首爾唔係成日有雪落，有時啲雪仲細過粒塵，唔係冇雪景睇，不過唔知幾時先有，1月機會最大。好想睇雪嘅話江原道就成日睇到雪景，例如南怡島、太白山、大關嶺羊群牧場等就係出名睇雪景啦
Q：咁幾時有櫻花/紅葉睇？
A：每年韓國會公布櫻花/紅葉嘅開花/全盛期，以首爾計，櫻花多數3月尾/4月頭出現櫻花，紅葉就10月尾/11月頭，就唔啱時間可以去其他地方睇一樣好睇
頭盔：櫻花紅葉落場大雨起碼冇咗7成，所以大家出發之前求黃大仙俾到櫻花你睇，同埋睇IG留意櫻花景點最新情況
（by北韓泡菜）
三月尾應該無問題，不過今年啲天氣太反覆，可能再遲啲先開都未定，建議你可以落釜山個邊睇，因為個一邊通常都早開花過首爾
Q：想着到好似韓仔韓妹咁，應該要喺邊度買衫？
A：首先韓國後生仔女呢幾年都係上網買衫，但始終大家嚟到韓國都係想掃貨地下街lv可以去永登浦同江南地下街，有個性啲同牌子嘢可以去新沙洞（大家可以補充仲有咩買衫地方）。弘大都一般般，不過大家去弘大應該都順路，睇得上眼咪買下。
另外，高速巴士客運站嘅Enter6同新世界百貨都好行嘅，客運站由地下一層到地面好多嘢食，平價都貴少少都有，食完醫肚都ok，但GoToSquare個人就不了，啲衫真係勁師奶
睇衫連鎖店推介：（大部分by北絲）
男女裝: musinsa / 8 seconds / Mplayground
女裝: mixxo / lap / nanning9
呢幾間online同offline store 都有
公厠brand: thisisneverthat / mmlg / plac / fcmm
Outlet: 坡洲Premium Outlet
btw 韓國既zara hnm Giordano都好行過香港 想買衫可以去睇下
Q：邊度剪/電/染頭髮好？
A：唔識韓文嘅話建議去明洞有中英文服務嘅salon剪（例如Juno），韓國髮型師就算剪到曉飛，同佢哋溝通唔到都係中伏
Q：韓國而家係咪完全唔使戴口罩？
A：我都想
大部分已經唔使，不過搭交通工具同去醫療機構仲要戴口罩（update: 2023. 2. 6.）Q：嚟到之後會唔會中武肺㗎？
A：其實你去到邊都會中招㗎，咁怕病不如唔好出街
For短期措施
Q：入境前個PCR邊度做？做政府嗰個得唔得？
A：得，不過記得係做俾錢嗰個，收到結果之後upload到Q-code就得
Q：點解我個K-ETA仲未批㗎？批咗之後使唔使print出嚟？
A：K-ETA批嘅時間捉摸唔到，有啲人一兩個鐘就批，有啲人幾日都未有，假如隔咗一兩日仲未出，就要聯絡嗰邊問下咩事，十居其九只係miss咗你個申請或者撞咗紅日
批咗之後唔使print，因為已經入咗機（Q-code都唔使print）Q：我係XX（自己填國家名，港澳同大陸除外）出發/轉機嚟韓國，咁使唔使做PCR？
A：唔使呀，個pcr淨係for大陸同共享榮耀嘅香港同澳門出發嘅飛機
我喺包膠link update咗個FAQ
我一個人食又唔到2個人份量
留意返燒嗰陣會落勁多芽菜
lm
