有無人覺得自己無咩情感

幾年前開始都未試過憤怒 對身邊人既情緒反應好遲鈍 人地講得好興奮好開心既時候自己會代入唔到佢地既感受
格硬逼自己講野既時候表現得好雀躍會好kam 格硬逼自己要嬲人會嬲到好尷尬 啲人唔覺得你嬲緊
例如街邊有個小朋友跌低 身邊人嘅反應就係好慘呀個小朋友跌低 使唔使幫下佢
我嘅反應就係有個小朋友跌低咗 完

有無人同樣情況
感覺到自己既生活好沉悶 其他人就算好小事 都會有情感

Depression?

點先算係？
但又無啲好sad既感覺
純粹無感覺

想代入人地感情但做唔到

https://youtu.be/sNKLUMYeyDM
講中哂

我覺得好正常
可能係香港生活節奏太快，同埋上網日日睇新聞都係嗰啲咩死人冧樓㗎啦，睇得多咩都麻木啦
唔洗擔心好多香港人都係咁的

你係一個npc

諗下呢個世界80億人

多一個唔多 少一個唔少

武肺都解決唔到人口問題

我係咁，個感情發唔到出來。講起上來都有廿年無因情緒變化而喊過

就算有老人家仆街，我都無乜明顯反應

個心情係：哇仆街喎，未死得喎，哦
個樣：>無反應

啲人話揸車會燥底，但我極少呠人
啲人話某套戲好感動，但我連少少想喊既情緒都無
比老細無理咁鬧又無乜反應，比同事話我EQ高

好撚中二

有咩問題，點解要有咁多情緒？

同埋諗幫唔幫人唔一定要有情緒起伏覺得佢好慘先幫，你悶係你嘅生活冇變化所以悶，關情緒咩事？日日情緒大起大落嘅生活就好有趣？

生活有變化但無辦法係從中得到感受
例如同frd去迪士尼佢地會覺得好靚好enjoy個環境 會覺得好relax
但我無辦法代入佢地既情緒同佢地一齊enjoy 只係覺得係一個裝飾過既環境 無辦法由心底裏表達對依個情況既感受

個人太理性太認真就會咁
好多香港人都係咁

如果迪士尼你覺得係裝飾過嘅環境所以冇咩感受，咁你對啲純天然嘅大自然景觀又點睇？

唔係裝唔裝飾過既問題
係唔知自己內心對依個環境有咩感受

因為你咁形容對迪士尼嘅睇法，所以咪問下你對其他嘢係咩睇法

就咁睇你對個環境係有主觀感受嘅，只係有啲環境你未必好鍾意所以感情上冇咩連結

我明 有時都羨慕其他人咁容易enjoy
我個case係可能以前壓抑得太多情緒
對自己嘅感覺好遲鈍
依家就儘量放鬆啲 留意多啲自己反應
有一分開心當十分咁表達出嚟
再理性分析下自己鍾意啲咩類型嘅野

例如迪士尼同海洋公園比
你鍾意OP就諗下自己可能係鍾意睇動物/海洋生物
你對迪士尼冇乜感覺 但可能睇煙花表演覺得好靚

之後你有個印象係自己鍾意煙花/動物
再去睇個陣會呃到自己投入啲

有啲嘢你以為冇乜特別冇乜感受 但你肯投入時間去做其實已經代表左啲嘢
掉返轉講 你唔enjoy都肯去迪士尼 可能你係enjoy 緊同朋友一齊呢件事 咁樣都可以係一種感受 只係唔太明顯