男朋友尋晚突發過世(求安慰+如何處理身後事)

我同男朋友一齊咗十幾年，佢係我初戀，但年紀有啲差距(十幾年)，所以一直無介紹佢比我屋企人認識。不過我哋感情好好，每晚都會講電話，其實亦都有諗住呢一兩年會結婚。另外，佢同屋企人關係差，自從十八歲就搬咗出嚟住，只係節日會聯絡飲個茶，可能同佢屋企人年長同有少少智力問題有關，尋日第一次喺醫院就明白。

佢四十幾歲，身形略肥，但無乜大病痛，尋晚佢同朋友打波，佢間唔時都有打開，點知尋日打打下就走咗。我唔直接識佢啲朋友，所以佢哋無我同佢屋企人電話，唔可以第一時間(八點幾)聯絡我哋。直到尋日我無啦啦九點幾見到有單新聞，講中年男子打波突發出事，我唔知點解第六感覺得係佢。我即刻Whatsapp佢，無人應，然後打電話就係警察聽，我就即刻仆出去醫院。

所有野都太突發，我完全唔識反應，唔係好接受到，甚至乎唔係好識喊。我身體好攰，但尋日瞌埋眼完全瞓唔到，不停諗起佢。不過我好理性，知道目前有好多野、身後事，我要處理，因為佢屋企人係連照顧自己都成問題。但我真係唔係好知要點做，有乜要特別留意，當然我會聽清楚每個同我接觸嘅人員話俾我聽要做啲乜。由於我只係女朋友身份，好似有唔少事情，我做到嘅都好有限。

佢生前冇乜錢，早幾個月應該仲係有Loan還緊。我估佢應該冇立遺囑，因為唔預自己咁早死。我尋日睇佢手提電話，知佢有交保費，但我完全唔知保單號碼同內容。我絕對唔係貪佢啲錢，只係如果佢有留低一份心意，畀我或佢屋企人都好，我都要知點樣幫佢搞。

如果有過來人，有類似經歷，希望可以分享一下我有乜要注意。我只希望可以盡一點力幫佢處理最後嘅事，我同自己講要堅強、成熟，唔可以冧低。

你只係佢女朋友，遺產事宜你無得搞

Rip
搞後事可以搵社署
好似會有資助基本套餐

保險果啲建議問下agent 朋友
佢地會俾建議你

只可以講聲take care 保重
希望有幫到手的巴絲

比佢中出一次收幾多

十幾歲比人拖到廿尾
真愛黎
咪搞

哎，真陰功

同我一齊

知唔知佢買邊間保險？有名同身份證就應該check到張單。如果unlock到部電話的話，睇下contact list有無類似保險經紀嘅電話

佢最唔捨得就係你，所以你要堅強活落去

講咁多主旨都係想問下點分到遺產

RIP，正如上面巴打講，女朋友喺搞唔到遺產，最多協助佢屋企人辨身後事

take care

Dear my friend, 女友版
Btw唔好意思幫唔到你啲咩 不過節哀

點解成日都有啲冇開過post嘅ac
一嚟就係啲好高討論度嘅post

我絕對唔係貪佢啲錢，只係如果佢有留低一份心意，畀我或佢屋企人都好，我都要知點樣幫佢搞。

未結婚
除左幫手攪喪禮
其實無咩野做到
文件野錢銀野都唔會過到你手

點證明先, 唔想炒車

搵律師行

https://lihkg.com/thread/3313873/page/1

你身份係女朋友 好似喺佢既資產上面無話語權
應該只可以協助佢屋企人
Take care

嘩，今次好真