嚴選十大 - 最有魅力嘅 非高達機體 MS機動戰士

第十位： MS-18E Kämpfer 京寶梵



屬於自護機體嘅京寶梵，擁有流線型嘅外甲，藍甲入面帶少少黃色出氣口做點綴。

再加埋頭上同埋膊頭嘅尖角，成部機嘅線條美又上升咗一個層次。



最J死人嘅就係全裝甲狀態下嘅地雷鞭，令到呢部嘢有獨特濃厚嘅軍事味道。






榮譽提名：MS-07B Gouf 老虎



基本上啱先講京寶梵嘅優點，老虎都係無九成就有八成相似。



奈何嘅係作為一部由渣古開發出嚟嘅機體，佢嘅光芒唔足以令佢上榜。

加上個人對手指炮嘅外觀有保留，所以對唔住喇。

毒撚開post無人理

咁快話老虎唔上榜，此post 已完

榮譽提名咗 當排第20囉屌你。

第九位： OZ-00MS Tallgeese 多魯基斯



戴咗個激似高達嘅頭盔仔之後成部機即刻由雜魚路人樣升華哂，

純白嘅外甲，實而不華嘅大炮同盾牌令到成部機喺武裝上嘅配搭都有種好和諧嘅氣氛，

頭上紅色嘅裝扮大大咁增加咗嗰種彷如騎士道精神嘅氣勢。








榮譽提名：OZ-00MS2B Tallgeese III 多魯基斯三 & OZ-00MS Tallgeese Flugel 飛翼版多魯基斯




本身都有猶豫到底係放三代定一代做第九位，放第一代嘅話又係邊個版本。

三代一改紅白配色，改咗做藍白黃，無可否認配色同埋裝甲上嘅改變係令到成件事高貴咗，

但始終有浸女人味，唔識解釋。

而飛翼版嘅一代固然係令到成部機變得華麗，但就好似上面所講，實而不華先係多魯基斯最有魅力嘅地方，

而且論羽毛翼，又點可能比得上真真正正嘅嗰部零式呢？所以都不作考慮。

lm 睇吞x

呢個點撚只第9 起碼頭3啦 on9

咁撚惡做咩，屌你老母。

快喇po完先嘈

live 咗

gn flag

少少眼瞓

第八位：GNX-Y901TW Susanowo 須佐之男



先講明，我諗有75%呢部機體會榮登第八嘅原因係出自我對00系列同埋Mr.無事做先生嘅喜愛，

呢部機真正嘅美學並唔係嚟自個頭頂嘅嗰兩隻角，而係修長嘅身體比例加上配備嘅嗰把太刀作為武器所帶出嚟嘅和風味 (係咪叫和風味，定日本味？)。



後頸嗰條飄飄吓嘅藍色帶真係潮到出撚哂血！成部機體嘅設計真係無得頂，而且對比起嗰啲頑太無夾硬砌出嚟嘅日式風格，相形見絀。簡單嘅色彩配合，唔係靠甲疊甲色撞色去營造嗰種優美嘅感覺，好舒服。

修長嘅身軀雖然會令到整體嘅觀感變得單薄，但係腰間出奇地巨大嘅GN爪就正正填補咗嗰個空間，就係要有誇張嘅形狀先可以喺呢部咁有特色嘅機體度共存。

差唔多tip中

十二個波蕾去咗邊

加貝拉/紅色角馬

加貝拉係高達嚟

第七位：MSN-00100 Hyaku Shiki 百式



百式應該唔算係高達，雖然開發嘅過程基本上都係當佢係高達咁搞，

咁總之最後無櫻桃小嘴喺塊面就當佢唔係啦。

呢部機體真係唔需要多講，作為一部喺宇宙作戰嘅機體採用金色做外色，

未開拖都已經整盲哂半隊人。




唔計去行山身上孭十鳩幾個袋嘅模式，百式喺武器上嘅配置其實係無任何特色，

但正正就係咁，成個焦點就係落喺佢嘅金甲上。

另一個特色就係腿部嘅設計，作為變形測試失敗之後臨場改變計劃嘅機體，

仲保留咗當初設計嘅變形機構，雖然實際嘅用途係零，但係都係一個細節上嘅加分位，與此同時都奠定咗Z世代或者UC世代嘅變形機體嘅大致外觀。

加上膊頭嗰隻「百」字，真係有種莫名嘅霸氣。





榮譽提名：MSN-001A1 Delta Plus



喺獨角獸後面做炮灰嘅Delta Plus，我第一眼見到佢就覺得有百式 (或者係Zeta) 嘅影子，

而實際上佢亦都真係，只係多咗個真係成功變到形嘅變形機構，

同埋配色上就用咗最老實嘅配色，但係作為配角機體嘅佢完全係不亞於任何機體，

監視器用咗鮮紅色做主色，點綴哂成件事，舒服，絕對夠資格成為十大，可惜要敬老。

又要排十大, 又要插d名譽, 亂鳩咁排9588

第六位：AMX-004 Qubeley 卡碧尼




留意返，今次係十大最有魅力機體，唔係最型/最靚機體。

所以卡碧尼入選絕對係當之無愧，

喺戰場上辨識度相信係最高嘅一部機體，

膊頭兩塊大甲採用咗兩個唔對稱嘅圖形簡直係神來之筆！

卡碧尼嘅設計理念相信從來都唔係「全」，相反係「缺」。




唔係飽滿嘅身形但係屎忽同膊頭就有塊大大舊嘅外甲，

仲要側邊其實係中門大開，屎忽啲浮游炮又係外露，絲毫無打靠收好啲，

就係咁隨性，先令到卡碧尼有種難以形容嘅狂野。

廢事有太多滄海遺珠

3:03 AM 無乜人，瞓覺先，聽日起身先再更新第五位。

解匠鴨比

多1多3 我會排第一喎

咩料
百式咪DELTA高達
點會唔係高達