古龍撚 vs 金庸撚

曾經睇過有人用茶湯酒啡嚟比喻四個武俠小說家
但唔記得邊個打邊個

第3版加強左周芷若地位，減低趙敏就真，就係因為好多讀者好似你咁當年睇完第2版都唔明，所以金庸先出個第3版加強周芷若地位，例如第3版將周張大婚既情節更深入描述，三書六禮等等儀式都寫埋出黎，暗示周芷若係明媒正娶既未婚妻；仲有張無忌係屠獅大會內心想同周芷若再續前緣所以唔想醫好宋青書（亦係全書張無忌第一次有咁陰暗既想法）；仲有屠師大會後周張係樹林表白寫到張無忌對周芷若由第2版既「敬重」改到「敬重愛慕」，仲話唔捨得周芷若離開；仲有第3版結局張無忌仲為左周芷若而終身不娶趙敏為妻等等

周芷若由出場至結尾都貫穿成個故事，所有劇情同名場面都係由佢帶動，佢點會唔係女主角？

大唐都趕收工咩
除左香玉山成家收皮呢到著墨太小攪到徐子陵學賭好似冇咩大作用之外
其他野都算正常埋曬尾
鹿鼎記就真係趕收工

毒撚比臭雞玩 李尋歡想幫都幫唔到
不過係友情上面好正面 為左李尋歡咩都做

古龍文筆尷尬 啱市井庸俗 容易拎上手就睇
金庸文筆意境深 歷史學識味濃 相較去睇就要有d耐性 整體係高幾班
轉番白話翻拍電視劇 都係金庸受歡迎

覺得古龍有唔少都係用武俠包裝嘅偵探小說
記得有一本（好似係陸小鳳唔記得）個結局係連續扭幾次橋
打完大佬又彈第條友出嚟話佢先係真大佬，再打完又彈多個
一路睇一路笑

金庸老少咸宜
古龍大人先睇得明

古龍應該肯定係酒，其他鳩估下：

茶：梁羽生
湯：金庸
啡：溫瑞安

因為金庸武俠得黎算係比較寫實 所以大家容易明 古龍唔明係唔明點解咁on9咁尷尬咁唔make sense啫 佢寫野文筆咁直接 點會真係唔明

可能佢重複意思係指鷄，突然之間彈出嚟嘅都係唔係好野，邦女郎都－個套路

金庸易入口

我覺得係簡單化左 正邪條線好明顯 唔叫寫實
江湖本來就好多心計好邪惡 好多無奈先岩

減低趙敏真係第一次聽 新修版加左2段小昭同殷離都睇得出趙敏先係真愛喎
不過算啦 睇得出你係迷若芷輸左幾十年都放唔低就證明金庸寫得好

減低趙敏呢個說法係大陸大把金庸論壇講左好耐啦，睇得出你係趙敏黨不肯面對事實

金庸嘅正邪唔係非黑即白架wo

佢筆下好多明門正派嘅敗類
好多邪派出身嘅好人

黑同白混雜得好緊要

金庸其實好鍾意寫正派人渣同邪派義士

清醒古龍根本就無深入嘅描述，好多時扮晒型之後就草草結束，好聽就叫流白，比讀者自己想像，唔好聽根本就係揸流攤，小朋友中二病可能會比佢呃到，真係識睇書嘅人，根本唔會迷古龍

古龍易入口d吧…金庸文字深澀咁多 仲要成日講歷史前傳一大輪都去到主角出場 好多fd都係一開頭幾版已經覺得搞唔掂 反而古龍係去到中後期覺得唔吸引故事性差就棄

金庸文學感，古龍現代感

金庸文學感，古龍現代感

古龍係只呃到啲中二病嘅小朋友，成熟病經歷嘅人先睇得明金庸對人情世故嘅精彩描述。

屌你老味，金庸大路連登仔就要踩架啦，唔撚係邊得黎獨特，眾人皆醉呀

李尋歡入去間屋度，無啦啦贏咗上官金虹，咩都唔鳩寫，扮晒野咁行返出黎。夠晒留白，咁中二嘅扮有意境劇情，連登仔先會睇到扯晒旗

王語嫣都over左，現實多數係呀紫

高手過招 寫都唔需要寫