Amway 將會喺嚟緊嘅 2 月 24 日舉辦總共6堂、價值港幣$420嘅營養學課程,但係我好懷疑呢啲課程嘅真實性。
Amway 嘅課程介紹宣稱所有嘅講課導師都係國際/國家註冊公共營養師、資深營養學導師。
但係經過我嘅搜尋,呢種宣稱根本就係誤導。
我冇發現任何有關呢場課程嘅導師嘅大學學歷。
代表呢個課程嘅導師好大機會根本冇受過正規嘅營養學訓練,亦都唔具備營養學嘅專業知識。
香港營養師只有兩種:註冊營養師同營養學家。
營養學家需要完成相關嘅學士課程
而註冊營養師需要喺指定嘅國家完成碩士課程/深造文憑以及臨床實習。
但係呢啲導師呢?都自稱乜嘢?
「國際註冊營養師」
「體重管理教練」
「營養培訓導師」
根本全部都唔係營養學家又或者註冊營養師
如果係我,我都會講自己咩大學啦
喺度收收埋埋,間大學令你好羞家咩?
所以佢哋根本就係想避開責任嘅同時,欺騙唔識嘅人
我勸呢啲利用營養學嘅名義去欺騙外行人嘅騙子好自為之,喺度呃人$420良心會過得去?
見到呢個post嘅人都關心吓屋企人,睇吓有冇人中咗招。