有圖，點解一燈大師段智興會學唔到六脈神劍

修練六脈神劍只需要一陽指達到”四品”境界，方可入門。一燈大師嘅一陽指勁到連王重陽都讚好，唔使講境界一早超越四品以上，冇理由練唔到嘅。
可能有人話六脈神劍為大理段氏天龍寺鎮寺之寶，不傳段氏俗家子弟，所以就冇傳到俾佢，但係後期段智興都出家做和尚，咁佢呢啲武痴冇理會唔知或者唔記得嘅。
雖然本秘笈喺開頭打鳩摩智嗰陣俾啲和尚BBQ左，但係既然講到段譽用呢招用到咁出神入化，而且天龍寺重要係屬於大理段氏，所以點都會死返成套嘢出嚟。





所以我好有理由相信。。。
令到段智興學唔到呢個絕世武功嘅主要原因得一個就係

除左段譽有逍遙底學到, 都無其他人集於一身
咁一燈又無逍遙底, 頂盡比佢學到一兩劍only掛

星球大戰係偷我哋天龍八部武功

一燈有先天氣功同九陰底，點都頂到3，4劍合一掛

唔使逍遙底，只要一陽指有四品就練得，就算好似嗰幾條和尚咁，一人學一條都已經好勁

因為佢兩套故事都捧緊全真教，寫到一燈咁勁為乜，為咗比王重陽做到天下第一，又要諗多一樣可以吊打六脈神劍既武功，燒盡腦細胞

段譽都係時得時唔得
又無心集武咪失傳左 好似係

大大個段譽喺度要默返出嚟有幾難

因為佢本身學嗰陣冇一陽指底子所以成日失零，但係心法口訣嗰啲冇問題吖嘛

其實樓主個答案係冇錯
因為真係寫左射鵰英雄傳之後先寫天龍八部
主流TVB 大家所知既係二版,報章連載為一版

所以射雕一版說「降龍十八掌乃洪七公生平絕學，是他從易經中參悟出來
http://blog.ylib.com/butterfly/Archives/2007/09/05/3397

然後一燈大師同王重陽又係搞到亂七八糟
因為一版一燈大師絕技係先天功,之後為左對付西毒 王重陽先傳佢一陽指
後來金庸寫天龍八部將一陽指定為大理段家絕家
http://blog.ylib.com/butterfly/Archives/2007/09/20/3531

我估金庸寫小說都係一路寫一路諗嗰種風格，應該都冇乜一個大綱，所以先至會有咁多個修改版本出嚟

上條link既作者就係對比咁多本小說 三個版本既差異,都幾癲

從大局黎講 金庸既修改係有佢深意
當然有好差既修改 但都有好既修改

例如天龍八部主旨就係佛學,所有角色 都係好慘無人不冤,有情皆孽
虛竹想做和尚做唔到,喬峯想做英雄被破壞名聲

所以新版段譽既結局就係要求不得 得不到最鍾意既人
重要發覺 一路都係鍾意神仙姐姐 既雕像
可能好多人唔鍾意happy ending 但先符合主題

可能改嚟想加啲伏線可以連返其他作品呢，因為仲有好多絕世高手係無端端出現冇講過身世

可能佢既初稿大綱就係咁，不過重讀一次，覺得有D野可以改，又要擴充世界觀，就係咁改

有機會，可能佢想將全部作品連埋一齊做個金庸宇宙，點知轉頭覺得玩大左所以嗱嗱臨封筆

如果冇左特效成件事變左互相手指指

仲要加反蕉蕉蕉嘅聲效

最重要應該係段譽有北冥底，內力無底

一陽指只係單射

六脈下下Freedom咁地圖炮射內力好快到底

無咁上下內力儲備都會chur爆個人/學唔到

一陽指四品只係meet 到學六脈個要求

就好似入大學話DSE只要3322一樣

但現實係3322根本入唔到

一燈都有先天功喎

段譽日日攬女和牛 又要做皇帝
邊度得閒記返唔熟果幾劍出來
蕭峰叫佢熟用其中一劍佢就搞掂南慕容
邊有動力留返成套六脈

段譽掛住溫女鬼得閒默書咩！？

同埋段譽啲內功都係吸人哋嗰啲返嚟咋