[漫畫］推しの子（我推的孩子）討論區 6 記住係菠蘿油(L7)(#208348)1001唔開post

東刃完邊有退
除非你將拍MV+慰勞旅行入埋東刃篇

拍MV阿夸目的係搵返自己條屍喎 冇東刃篇搵到假老豆就算接住落去拍MV搵到屍都唔會退場

咁點唔係東刃篇令阿夸退場？

個陣我地班漫fans一直係笑緊作者唔記得左阿妹係其中一個女主角 講成幾十話都係做路人

原來你係話令亞夸唔再係劇情推手果種退場
咁我明你講咩了
因為東刃之後亞夸仲有好多戲份，所以誤會左你退場既意思

講返轉頭，我真係對東刃篇冇咩不滿，仲覺得好好睇
不過東刃篇既劇情推進其實集中哂係事後同大輝既對話（情感演技果part 都可以話關關地事），而前面果30集的確係冇推動過主線，我估就係呢個位勸退左部分人

因為阿夸係妹控 主線嘢點會畀露比掂

最慘係B小町live以為終於到露比主場，最後竟然比帽子強行搶走

前期仲要冇乜主角表演位 阿夸拍戲冇天份然後係咁吹奏其他角色搞到阿夸成個路人咁好趕客 就算到做推手幫劇本成事都似同今甜嘅手法差唔多

但再後面自虐嚟表演嗰到真係好好睇（自虐仲透露到阿夸係渴望享受表演從而帶出到點解會咁易信假老豆而退場 哩個位真係寫得好好

我唔覺東刃個part有問題,
我覺得直到後面搵到醫生條屍之後,
成個劇情先開始出事,
就例如:
為左令細妹黑化加入報仇行列,作者竟然on9到畫個神靈出黎爆料

我又覺得ok喎
反而露比自己搵到線索同真相先唔合理
而家可以加露比入主線，又唔令亞夸個妹控人設崩壞

不過冇埋過伏筆直接爆出黎呢點係爭d，但結果我覺得還好
反正本身都係奇幻轉生系，加個神明都唔算好過份

而且身邊識人係去到露比開眼先追返

咁我寧願好似tvb膠劇咁，唔小心咁偷聽到阿哥同赤音對話，然後先發現有黑幕，都好過彈個神出黎爆大鑊

再加埋後面講老豆殺人係因為白卡

本身係白卡定愛搞到佢變白卡都未知？
始終愛到臨死前先夠膽講自己愛雙子唔係謊言
咁即係之前佢好可能冇愛過白卡佬
分分鐘係白卡佬沉船接受唔到比愛飛，先搞到自己變白卡

其實等露比搵前腦細學師嗰時再被透露咪得 雖然有得轉世投胎咁有神佛都好合理 但用神佛咁樣強推主線真係有啲

咁一開始轉生都唔合理啦

露比黑化係因為佢知愛同醫生係同一個人殺
本身得愛比人殺佢未至於真係搵真相報仇
知愛同醫生比同一個人殺，仲要幫兇未死既得亞夸
即使知愛比人殺而真兇未死，都係得亞夸，社長，同赤音估到
但佢地冇一個會有任何動機同露比講
而會比人偷聽到既對話本身亦都唔會存在，因為社長，亞夸同赤音之間從來冇傾呢樣野
如果改到變赤音同亞夸坦白自己估到d乜，亞夸又認，而咁岩露比係現場估到，咁我寧願好似而家咁

我覺得係劇情已經發展到好難比露比入返主線而唔影響人設
因為邊個令佢知都會令角色崩壞
唯有出絕招玩機械降神

兩回事 轉生係成套故事嘅起始設定 你係接受咗哩個設定去睇之後嘅劇情 但神佛係突然出現嚟做劇情推進嘅嘢 就會覺得係作者諗唔到點推進劇情而強行用神佛嚟做手段咁

視乎作品既性質同劇情，有d唔合理可以接受，有d就唔可以。例如金田一咁，可以接受到主角去到邊到都出現死人依種唔合理，但唔可以接受突然有個神明彈出黎爆個真相比主角知。

呢個係最初佢冇諗清楚，齋靠亞夸推劇情導致既死症黎
如果開宗明義係得亞夸一個主角係冇問題，偏偏佢個設定係雙子雙主角
有d 似爆漫講雙主角既天生缺陷
不過以機械臨神黎講佢叫用得合理架啦，至少個故事冇變調

不過以成套作品黎講赤音先係真神
無情既劇情推進器

都係嘅 偷聽太老土 而社長會爆料畀露比聽就唔會日日喺河邊釣魚消失咗咁耐

算係叫咁多個選擇入面最好

屌好撚唔鐘意有馬

因為露比原本自己條線（目標）係成為top idol等醫生推自己而再見返再佢同佢喺一齊 所以露比突然黑化加入主線嘅做法其實幾好 只係覺得用神佛做手段有啲凸兀啫

赤狗同阿夸一樣一直在利用赤音