立場新聞案 控方代表伍淑娟都幾好笑

42 回覆
43 Like 2 Dislike
2023-02-18 21:57:05
控方:鄒專訪有清晰政治意識
鍾:用字激烈但沒提具體行動


控方代表為署理高級助理刑事檢控專員伍淑娟、署理高級檢控官徐倩姿;辯方代表為資深大律師余若薇、大律師黃卉儀,案件由法官郭偉健審理。

控方第 11 日盤問鍾沛權,續圍繞涉案鄒家成及梁晃維的專訪。鍾沛權指,鄒家成專訪顯示他抗拒中國共產黨,但並非如控方所指「將國家變成敵人」,又不認為會煽動讀者仇恨中央,「咩情況係煽動罪呢,似乎包含惡意、欺騙、隱藏目的,以不正確手段去煽動對方針對政府、憎恨政府,但政治人物係真誠相信、提出政治理念」。

伍淑娟指,鄒家成在文中提及要繼續宣揚本土、尤其是說服更多不支持他們的人,質疑文章也是平台之一,讓鄒推廣政治理念,「你嘅目的幾高尚都好,客觀事實係你哋畀咗平台佢?」鍾認為,傳媒只是希望採訪及報道有公共性的人物,報道是否令受訪者得到支持或招來批評、反對,「呢個所謂後果唔係我哋考慮嘅事情」。

伍又指,鄒家成在文章的政治意識非常清晰,鍾不同意,認為相反是不清晰,指鄒使用「革命」、「圍堵」、「搏鬥」等激烈字眼,但除了否決《財政預算案》外,他沒有提及其他具體行動、手段,「其實唔係好知最後佢想做咩」。鍾續指,他甚至被本土派質疑是「偽勇武」、「偽本土」,「似乎之前冇咩激烈行為做出嚟」。

辯方關注控方四度追問
文章無提鄒「反共」原因


伍指,鄒家成受訪時只有 23 歲、指自己在 2016 年受影響,「點解憎大陸憎得咁誇張,文章睇唔到(原因)?」鍾指鄒家成在文中提出受「本民前」影響,伍聞言問「旺角暴動唔關中國大陸事嘛,點解撈埋一齊講?」鍾重申,沒有其他資料在手,認為「本民前」、「香港民族黨」當時的主張是一個線索。

鍾回答後,伍繼續追問,為何文章沒有提及鄒家成憎恨中央、「反共」的原因。鍾指相信作者有詢問相關問題,若鄒簡單回答,「受訪者畀個答案,唯有如實紀錄」,又指鄒受訪時已勝出初選,認為文章更需要交代他進入議會後的政治主張。

辯方資深大律師余若薇關注,控方四度詢問相同問題,是否代表若文章探究受訪者「反共」原因,就不屬於煽動文章,「我想知我係咪可以喺結案陳詞,利用主控四次問呢個問題,講唔屬於煽動文章」。伍表示要視乎鋪排及內容。

控方問及,有大量年輕人如鄒家成一樣,抱有反對或敵對中共的想法;鍾表示由民調可見,年輕人不滿中央和特區政府的比例高。控方續問,為何年輕人仇恨中央政府;鍾指如此宏大的問題,難以立刻給予周全的答案,但按其認知,2012 年反國教運動及 2014 年雨傘運動是因素之一,令年輕人對港府及中央「多咗睇法、意見」。鍾又舉例,李旺陽事件加深港人對中央政府的不信任和質疑,而內地異見人士的遭遇在過去十多年來,亦一直影響市民對中央的看法。

鍾提「中出羊子」被 DQ 證港府民心背向
控方:「違法就梗係要審查」


伍又詢問 1997 年後,中央政府有何例子,令到港人「提心吊膽」、民心背向。鍾舉例指,港府未有根據《基本法》落實雙普選,伍聞言指「雙普選要傾㗎嘛」。鍾解釋,雙普選落實無期,「香港人累積落嚟嘅失望、不滿係圍繞呢個議題,喺 2003 年之後,開始有好多唔同層面感受到啲變化」,自由似乎反而係萎縮緊」,又指港人在過去十多年對結社、言論、選舉及人身自由感到敏感及緊張。

鍾之後再舉出其他例子,包括港台節目《頭條新聞》遭建制派針對、銅鑼灣書店事件、中出羊子參與公職選舉被取消資格、港府以《社團條例》取締香港民族黨等。伍質疑,「唔應該要有政治主張審查咩?違法就梗係要審查啦」。法官郭偉健追問,中出羊子有何政綱,為何被取消資格。鍾指相信是中出羊子的政綱,使用較敏感字眼,又指當時確實有人擔憂一國兩制的「兩制」萎縮。

他強調,當時港人的認知是,只要具體上沒有非法手段、推動某些主張,香港仍可以容許激烈的政治主張,惟發生上述事件後,「細微變化係觸動到港人神經」。他又指,港人對港府失望及不滿、港府支持度不高是客觀事實,從很多民意調查可看到,「唔使自欺欺人」。

控方要求鍾提及文章如何指出錯誤
鍾:受訪者聲音就是對政府警惕


伍要求鍾指出涉案鄒家成的專訪,哪一部分符合煽動罪條文的例外情況,即指出政府錯誤或缺點、矯正錯誤。鍾指出,第四權發揮監察權力的角色,希望盡量包容異見、小眾、無權勢者的聲音,只要評估到事件並非孤立,反映到一定社群的聲音,正如涉案文章的受訪者是初選勝出者,是值得政府重視。

他續指﹐受訪者所表達的內容及姿態,或看不到具體改善、建議分析,但他們的聲音是對政府及當權者的警惕、提醒,「我成日覺得當權者有責任透過呢啲聲音,諗返點解要有呢啲意見、諗對方發出呢啲聲音背後嘅批評、不滿係咩呢」。

鍾:第四權正指出政府錯誤
錯誤批評不應被刑事追究


鍾強調,提出意見的人並非一定正確,「但唔可以隨便因為一條紅線叫做煽動憎恨,就去壓制呢啲聲音」,政府亦不應要求對方證明目的是否純粹指出缺點,「反過嚟政府要了解呢啲聲音,激烈又好,偏頗又好」。他又提及「極端例子」政治漫畫,指其諷刺政府、官員醜態,是難以被稱為指出錯誤及改正,「要訂立咁嘅紅線,好多針對政府嘅言論,好容易墮入煽動呢個咁嘅指控裡面」。

他憶述自己在荔枝角收押所還押、閱讀涉案文章,認為其只是紀錄受訪者主張及看法、他們對法例的批評,記者的目的亦顯然不是煽動憎恨政府。當時他想,第四權的角色正正是指出政府錯誤、希望政府矯正,「儘管啲意見好多時唔係來自我哋,而係採訪人物」,又指即使批評可能是錯,亦不應被刑事追究、被審查,認為當權者要包容意見。

伍質疑鄒家成專訪僅指出政治主張,沒有指出政府錯誤。鍾認為要從最廣闊、寬鬆理解,指政治漫畫的表達更簡潔,可能表達是情緒上的不滿。不過,表達不滿亦是對政府、當權者的提醒,政府應該要反省、檢討,「唔帶偏見、開放地接受意見,好多時政府會搵到(問題)根源,唔一定係內容已經有好具體批評政策、法例,然後具備改正建議」。

鍾:刻意禁制政治主張
反為政治主張帶上光環


伍再質疑,「我淨係(在文章)見到圍堵中央,你話我要點反思?我睇咗都唔明點反思?又冇講點解憎恨政府?」鍾重申民情、民意紀錄是有作用。伍指,鄒家成提出的政治綱領是不合理、不正確、沒根據。鍾指自己對鄒家成不太熟識,對於他所提出的「香港民族」主義,只能從文章中理解,「睇前文後理,佢係用得比較隨意,想強調香港人身分、而家面對嘅打壓來自中國大陸」,不認為是控方般描述。

伍稱聽過鍾的答案後,指他對政治、文化有深厚背景,但無可否認的是,並非每一個閱讀文章的人,都像他一樣對社會有很深理解。鍾稱「唔識判斷﹐你用我做一個 benchmark(基準)」。他表示,不應以危險思想為藉口禁止自由,要以自由去破除危險思想;若刻意禁制某些政治主張,「用你喺開案陳詞嘅說法,會為呢啲政治主張帶上光環,經更隱蔽情況傳播、唔能夠喺公開領域批評係仲危險」。

伍又稱:「我冇你咁深厚文化背景嘅人,我睇到就係反共、香港民族意念?同唔同意?」鍾稱「我覺得答咗你點理解」,強調不同讀者有不同吸收。

鍾引戴耀廷公民抗命
指關乎公共利益須報道


鍾稱不判斷「反共」主張是否非法,伍則指鄒家成有實質手段,打算進入立法會否決《財政預算案》。鍾稱當時不認為屬非法手段,又以戴耀廷公民抗命為例,指他在違反非法集結條例、願意承擔刑責的覺悟下,追求一個重大政治訴求、違法達義,「我哋作為媒體都要報道,所以你話鄒家成,冇輕易判斷到佢係非法」。

鍾續指,當時不少主流媒體都有報道,並刊出戴耀廷倡議公民抗命全文,「作為傳媒點解要登呢,因為佢呢個主張關乎公共利益、公共性,知道會引起討論,要畀大家知道⋯新聞界面對事件、政治主張,我哋諗嘅嘢,首先係資訊、公眾有無必要知道」。伍指「我都要將控方情況講你聽,呢啲咁嘅資訊,公眾無需要知道違法、激烈主張?」;鍾稱不同意,「我答多句,可能對我無乜著數,政府都要知道」。

控方質疑梁晃維專訪作者
以殺手鐧形容「DQ」


伍提及第三篇涉案文章〈【專訪】高歌《熱愛基本法》仍被 DQ 梁晃維:可能連區議員都時日無多〉,同樣由特約記者「盧斯達」撰寫。她引述內文指梁晃維參與初選,為港島區候選人,最終取得 14,743 票,成功躋身四張出線名單之一。她指,作者以「政權馬上使出 DQ 殺手鐧」形容梁晃維被取消資格,又指其政綱包括要求外國制裁,認為選舉主任有合理原因取消其參選資格。

鍾回應指,當時對於是否合理取消其參選資格存有很大爭議,亦有人質疑是否應由選舉主任作審查。伍指,「殺手鐧」是帶有意見的字眼;鍾認為只是平鋪直敍的事實陳述,認為可以開放解讀,作者是以較含蓄的方法形容取消資格情況。

就文章提及「連公民黨和梁繼昌都要 DQ」,伍指時任立法會議員梁繼昌,因曾到美國游說制裁本港官員而被取消資格,「同境外勢力對付返香港政府,咁都唔應該 DQ?」鍾表示無從判斷,重申即使他不認同尋求外國制裁有用,但其個人觀點並不影響審批文章的原則。

伍續指,既然鍾不同意外國制裁,但專訪中以此作為事實基礎,質疑基礎是否正確。鍾表示,應由公眾討論、判斷政治主張是否正確,重申自己審批文章期間,就算不認同受訪者的觀點,都不會作出判斷,而是作為旁觀角色,留意對方能否為其政治主張自圓其說。

Source:https://thewitnesshk.com/立場被指煽動案-控方指鄒家成專訪有清晰政治意識/
2023-02-18 21:58:32
2023-02-18 21:59:01
2023-02-18 21:59:46
伍淑x
2023-02-18 21:59:50
現場聽仲好笑
2023-02-18 22:00:14
2023-02-18 22:06:06
2023-02-18 22:07:48
伍淑娟真係廢到喊
2023-02-18 22:12:23
仲膠過膠劇
2023-02-18 22:13:41
年輕人對港府及中央「多咗睇法、意見」


伍又稱:「我冇你咁深厚文化背景嘅人,我睇到就係反共、香港民族意念?同唔同意?」


土改陣味點解收唔住
2023-02-18 22:14:52
2023-02-18 22:18:10
2023-02-18 22:27:24
2023-02-18 22:28:47
2023-02-18 22:29:43
共方代表係呢啲水準
法庭同衙門無乜分別
明係砌生豬肉
個官就落埋場預設立場咁審

警察藍絲楊明犯案就輕輕放下
2023-02-18 22:49:38
控方都幾主觀下
感覺唔專業
讀咁多書都係咁嘅質素
好小朋友咁
2023-02-18 22:53:31
Push
2023-02-18 22:58:58
因為入緊佢
而家當辯方狗咁撚都得
你笑完之後就坐十年
2023-02-18 23:13:22
證明讀幾多書幾做得野, 幾專業都係無用

最緊要學鄧炳強, 伍淑娟, 周天行

乜野叫財務自由, 你懂的.

我而家係話, 係港大中大理大科大讀緊書既人全部都係垃圾

要學偉大既黨如何提拔人材, 走正確道路
2023-02-18 23:16:40
點解唔叫寫文章嗰個嚟解釋
2023-02-18 23:41:31
2023-02-18 23:42:32
扮傻 人地都知佢扮 佢都知人地知佢扮 佢主人都知佢扮
2023-02-18 23:50:23
成個過程就係控方覺得係就一定係,辯方有曬理據話唔係佢一句我唔覺得就完
2023-02-19 00:19:21
2023-02-19 00:25:14
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞