小弟上月首考元朗工業村，係福喜街轉入福宏街路口，考牌官判我冇睇前面臨時燈紅燈直接轉右，冇睇對頭冇車就直接轉入福宏街，最後獲判40，56，65大tick，唔合格。考牌官200在我考試落車後即嚴辭警告，質問教車師傅為何要教我衝燈..😵
其實我對考試結果都非常苦惱，因由11月學車開始，呢個臨時燈我練習咗數十次，亦冇其他相同上訴案例可以參考之外，很大的原因係我唔敢一口質疑運輸署考官的專業判斷😔。好多謝群組各兄弟姊妹嘅意見，比勇氣我，支持我就「衝燈」一事上訴，既然我都不合格，就更不想死得不明不白，希望能為即將考試嘅考解開謎底。
<更改成績細項而不獲通知>
我隨即要求調查主任就是次考核進行調查，等了幾日，調查主任回覆，「成績都係獲判不合格，不過我見考牌官係考試之後將你三個大剔改成一個大剔。」
真係好驚訝，因為即意味了考牌官200在考試之中的判斷有問題，在我申請覆核前已經將兩個大錯誤✅拎走，調查主任就重覆：「改咗之後，你而家手上都係有一個大剔，都係要肥架啦，前面個Ｄ冇得改架。」
過了周末，我便向調查主任申請索取書面報告。言談間，調查主任得知我有意再覓其他部門申訴嘅時候，主任便提出要多花幾日時間去調查清楚當中發生了什麼事情。如是者，過了一日，我竟收到調查主任的回應，指運輸署將安排一次免費重考的機會！「經過調查，你２項嚴重錯誤，即係事發地點福喜街轉入福宏街個度係存疑，所以呢次成績未能確立，所以會給你安排一次免費快期重考。」
而我亦就該燈位處理情況再請教調查主任，佢解釋，「假若臨時燈係路口之前，咁當然你轉彎要睇臨時燈，但如果臨時燈係路口之後，你確保你係安全既情況下其實直接轉彎係冇問題。」「咁姐係係當時，我確定我係安全既情況下我直接轉彎係冇問題架」
就正如大家所講，其實呢個燈位直接轉彎，真係係冇問題㗎！但運輸署喺未調查之前原來已經更改成績，其實係一個好大的問題！若非我主動覆核，亦唔會主動通知我，我手上嘅成績單原來同系統入面嘅紀錄都唔一致😯 so crazy！但因我未有證據能推翻剩餘的一個大✅，所以結果都係唔合格，不過我亦慶幸有尋根究柢，為自己討回公道。喺考生眼中，其實每一個錯處都係我哋嘅痛處，考到考唔到就係睇呢一啲關鍵位，老實講，又點估到考牌官對考試路線唔熟悉，作出錯誤判斷呢😵💫？🙏🏻
周不時見到有post都對考試判決存有疑問，而我都唔好意思，因為我拋低一條問題嘅同時，亦收到好多DM問我要唔要停車等綠燈，導師咁教係啱唔啱，令到大家估嚟估去。其實一件小事，我都估唔到會令好多考生存疑，希望今次呢個覆核都可以正視聽，幫大家了解返。
為咗考試好多考生都已經出盡方法，補鐘，又額外睇video，結果都係一係合格，一係唔合格。但今次考試成績存疑真係會令人感到好迷惘同驚訝，甚至更不獲通知之下更改成績，唔透明嘅程序，會令考生質疑考核的準則，對規例更無信心。大家都花咗好多時間心血去練習，盡努力操練每一條路線，唯獨未能控制的，就只有路面情況及考牌官的判決。衷心希望每位可以得到最公平公正嘅考核，所以今次重考，聽講會更有難度，亦要額外用好多錢，但我會好好把握，等我update💪🏻！
真係好多謝大家睇到呢度，希望大家考試都順利，遇到專業的考官和教車師傅。即使唔順利，亦都希望大家保留覆核的權利，要勇敢問多啲，放膽知多啲🥲🫶🏻！
#運輸署
#多謝調查主任嘅跟進
#多謝元駕導師
#預祝考試成功
