點解辛苦搵完錢仲要賭一輔

辛苦打工, 草到兩個錢想置業
但除左納米樓, 根本無可能full pay
咁即係要借錢, 一借就借幾百萬, 還二三十年
人做你做, 好似無風險咁, 可能我性格縮, 唔敢借錢賭, 亦唔鍾意爭人野
所以我呢一刻唔會買私樓, 但係最慘既係, 你份人工又住唔到公屋, 報唔到居屋
另外買二手居屋, 價錢其實係私樓8折左右
感覺就好似, 普通人出生, 就已經爭落一筆數要咩, 要供樓幾十年
每個人都想儘怏脫離呢個鎖/欠款, 通往財務自由之路
人生就係得返搵錢搵錢搵錢
自問比大部份人努力, 都草左筆錢, 但都係無選擇
公屋,居屋唔輪到我, 要買私樓又一定要借錢
咁租囉~ 但又要幫人供樓咁
每個選擇都唔係我想既, 移民可能係唯一既出路
但又要放低香港既一切, 重新開始
自問自己一直好積極工作, 草錢, 想改善生活, 但努力左好多年, 仍然未改變到生活

利申: 交1X萬薪俸稅

交10幾萬薪俸稅想申請公屋抽居屋？

做幾年野都夠full pay 啦， on9

你情況唔係有冇錢買樓問題，係你一個人買樓冇乜意義

你冇錢嘅話，移民都要供樓。。
怪就怪父母窮，連一間供完嘅樓都冇

開個post想曬下命姐

計埋預繳交1x萬定係未計先？

睇到利申個到真係曬命

又捉到隻 AA 風向狗

薪俸稅交十幾萬， 一個月收入都有十幾萬， 一年已經賺120萬以上

得你一個努力工作儲錢咩

你講咩？ 交十幾萬稅都儲唔到錢買樓 上黎同人呻申請唔到公屋？ 人唔笑狗都吠啦

冇公居屋
又唔租樓
又唔買樓
咁樓主又係咩地方呢？

首先你要搞清楚 租樓 = 幫人供樓 呢個謬論

大家都係有支出成本，供樓一樣有首期 的機會成本，但係十倍槓桿 可以搏盡d

完全明白 你認為香港出世 係焗賭
但搞清楚 供樓租樓都只係住屋支出
你係有其他途徑投資，全世界股匯債金銀，就算房地產都唔一定要投資香港

諗通左你就明白，其實唔係焗賭。

正解，有人用1球喺2019買TSLA然後發咗之後先買樓，亦有人拎咗嗰1球喺2019做首期蟹咗

其實都係機會成本，冇話焗賭嘅

交十幾萬稅咁威威都買唔到樓咩？
我年薪十幾萬住公屋

講緊要借錢買樓, 變相姐係要賭呀
話比你地知交幾多稅, 因為我想表達
我供得起, 比到首期, 問題係要做按揭要借錢呀
講緊借幾百萬呀!!
借咁多錢真係一D風險都無?
咁多年樓市都無事, 代表你做都無事?
萬一真係跌, 真係要call loan 呢?

住緊公屋比人趕走

其實呢，你真係可以去搵個銀行嘅RM問下，假設你係真係有嗰一百幾十萬年薪咁講，都勉強做premier banking客啦，咁搵你個RM傾傾如果跌市，call loan會係點啟動

如果年薪球零嘢，借得幾球嘢有咩好驚？
調轉諗就係唔食唔著幾年就還晒啦

咁係你on9

以前租樓成本同供樓成本差唔多
普遍會覺得幫人供樓 不如自己置業
但目前呢個環境，供樓同租價錢差距都幾大

調返轉頭，我覺得調整下心態
業主有租金回報，唔好諗自己幫咗佢
調轉頭諗 自己唔使綁廿幾30年喎
住到同樣價值嘅樓
而且依家加息 租金只係供款六、七成
業主都係同你個標題一樣，買樓都係賭一鋪

祝你生活愉快啦