我揀咗個$4000 package驗曬我想驗嘅(癌症指數,超聲波,血,大小便),詳細我唔知佢齊唔齊全,起碼知無乜潛在大病
因為我check同聽報告都係揀閒日(check會有醫生半日假紙,聽報告就無),所以兩次上去都無乜人,好快就輪到我。係做check嗰次可能分好多part,牽涉唔同機械同唔同房,就好似人球咁呢間房做完出去等入另一間房。我平日早去都差唔多做到12點(10-12),我諗如果禮拜六去應該等到世界末日
聽報告嗰陣個營養師都有紋有路嘅,講飲食有乜要注意,不過到尾聲嗰陣就會sell佢哋啲營養品

好貴,不過唔會hard sell迫你買
總括嚟講都幾好服務,唔駛等太耐(閒日),唯一比較唔好嘅係check完到有result差唔多要兩三個禮拜(我唔知算耐定唔耐),而家起碼知自己身體健康都安心啲

下次(五至十年後

)都應該會揀返同一間(如果佢未執嘅話

)