大陸+澳門旅遊討論區

由於武漢肺炎嘅關係，2020年、2021年、2022年都冇得衝出香港玩。好彩中港喺今年1月8日通關，2月6日仲免核酸添。等通關真係等到頸都長埋，而家終於唔洗喺香港坐監喇。喺呢度衷心多謝大陸白紙手足嘅付出，冇你哋中共而家都唔會開放。

歡迎大家喺呢度分享一下大陸或者澳門好玩好食嘅地方，又或者講下你嚟緊嘅旅遊計劃都可以。有正嘢點解唔唔預其他連登仔呢？畀大家開心下呀嘛~

同旅遊related嘅嘢都可以分享，例如開通支付寶、訂高鐵票教學。

雲南真係靚到離撚晒罩,去過4次,都想繼續去

瀘沽湖
雨崩
香格里拉
元陽梯田
羅平油菜花

我又分享下。上個禮拜六嘅黃昏時候去咗小梧桐(ie深圳電視台所在地，高600幾米)，俾我捕捉到雲霧中若隱若現嘅太陽以及一大片雲海。

長途旅行嘅話我反而唔太想返大陸，既然都要搭飛機點解唔出國呢？係中短途先prefer返大陸，唔想搭飛機甘麻煩又想去遠小小，就會去下大灣區玩(香港嚴格意義都算係大灣區，只係香港人口中嘅大灣區通常唔包括港澳)

更正：係深圳電視塔

畀負皮嗰班連登仔唔好畀我捉住你哋偷偷去大陸玩呀

捉到

我聽日會再去多次梧桐山，行埋個大梧桐佢。你哋即管畀負評，你哋只不過係恨人哋有得返大陸玩啫。

畀負皮嘅連登仔俾政治限死咗佢哋，搞到自己韞住喺香港。

我就唔同喇，有得跳出香港呢個小圈圈到神州唔同嘅地方遊玩。好心佢哋唔好吓吓都政治上腦la，返大陸唔代表支持中共政權㗎，按佢哋邏輯留港撚=支持李家超。佢哋唔覺得自己個邏輯有問題咩？

當然佢哋唔返大陸係佢哋嘅自由。只不過唔希望佢哋一路怨留喺香港好似坐監咁悶，一路俾政治化嘅思維限死咗喺香港。