十年前已買公屋轉名問題

我老豆十年前買左我住緊呢度間公屋
有我老母同我個名
依家佢已經67歲 老母63歲
為左唔好住得咁迫
佢想轉個業權比我 跟住佢兩個再去排公屋

1. 係咪轉完要除去佢兩個名先可以咁做?
2. 同埋我之後係咪只可以係公開市場買樓呢條路
無得用白表條路抽居屋?
因為我見要已買公屋十年內放出先可以用白表

睇完一堆資料好亂 求指教

你老豆老母好慘

呢的公屋買個時好似已經簽左份聲明 放棄日後再排公屋既福利
所以點解咁平賣俾你

1 排公屋一定唔可以有物業名，但建議打左去申請組問先，轉名好似要合乎房署政策既原因，佢張申請表有寫，兩老年長好似都得
2 白表好似都抽得，但要睇你有無曾經享用過房屋福利

當年公屋個戶主一定冇資格再排公屋
除咗有特殊理由 例如重病、破產等等

你買完轉頭除名又走去排公屋 邊會俾你咁樣玩

咪就係

佢唔知邊度聽D同事講
只要夠65歲就可以咁做
仲話咩兩個老人家排會快好多
我就係驚轉左名唔得仲麻煩
到時我又多左限制

應該你去排公屋

公屋唔知 居屋好似可以
同事老豆老母好多年前賣左居屋去左加拿大 近年回流排返公屋 又比佢地排到 我同事痴埋去住 又有一層私樓收緊租

應該係係結婚再搬返黎。申請

租置單位好似係要你老豆要以市場價賣番比你
但係你要補番地價比政府
即係當年政府六折賣比你
你就要補番4成地價比政府
果度唔係一個細數目
百零萬都唔出奇
最好比少少錢問一問樓宇方面既律師/師爺

現實中好似真係好多人咁玩喎

但我係屬於家庭成員
可以唔係用"賣"?

人哋喺兩公婆層樓寫一個人名 另一個甩出去排
總之當年買個個就一定無得再排

你第一步已經行錯咗
唔應該落兩代名做業主

租置居轉業主名要署長approval
要65歲以上先係考慮因素
你阿媽得63即係轉唔到住

所以你要搞清楚業主名係邊，個邊個係同住人
同住人方面，住夠兩年定三年就可以除名

如果係前業主嘅話，唔好意思係冇得再排公屋架
除非特殊情況因素獲得恩恤

1經法庭裁定破產
2陷入經濟困境而因此需領取綜合社會保障援助金
3家庭環境逆轉，如離婚、家庭經濟支柱身故等
4家庭收入銳減，以致難以償還按揭貸款
5家庭面對健康或個人問題，但嚴重程度不足以令他們符合接受體恤安置的資格。

申請人於提供相關文件證明以上情況，並提供曾擁有資助房屋的前業主及現業主的田土廳查記錄供房屋署考慮，房屋署或會酌情考慮接納其有關公屋資格的申請

1. 買左就係私人物業，轉名等於買賣，按一般樓宇買賣做法。如果係供斷左，可做轉讓契就可以，詳情自己搵下資料。未供斷就做一般買賣即可以。
2. 如果你己持有物業，不論擁有權係幾多，白表係無你份。除左持有物業呢個限制，仲有入息同資產。若然你單身同擁有連登FG 50K認證，又係無你份。
3. 你父母己享用左房屋資助，即低價買公屋單位，所以你父母係無資料再申請公屋。除佢地破產等特別理由。唔好諗住做轉讓契後佢地破產，因為有機會畀政府查，查到有可能宣佈轉讓無效兼畀人清盤，諗清楚先好。

所以用咩名買（做業主）都好有技巧
如果業主係樓主個名，佢老豆老母只係同主人，
佢兩老就唔當享用房屋福利，可以除戶藉名再抽公屋，甚至入白表長者抽屋屋都得。

你老母未過65
最多轉到佢到佢就甩唔到
就算過65都要等批 唔係100%得
至於可唔可以再申請就唔知

你覺得你父母符合邊一樣
房署仲要睇埋轉左名比個仔嘅話你覺得會唔會批

破產重病，再經社會褔利署審批就可以。希望你父母唔係頭兩樣。

6，公務員公屋

業主落左你老豆名就冇得除名再排
如果業主係你 2老先可以除名再排過

正確，除完名就可以申請。
但呢個情況情會比較細，因為只有公屋戶主先可以買，樓主應該無可能係戶主。