有無人有睇zhttty 最新個本《洪荒歷》

有冇人簡短咁講番無限恐怖 個ending 已經唔記得左
淨係記得最尾打死左暗鄭渣咁上下
主角有咩人都冇咩記憶 好似有佢條女 有個基因改造好勁既人
同有個狙擊手only

但個ending 係點已經冇記憶

鄭吒佢地比暗鄭吒滅過一次團，
逐個比鄭吒復活後最終一戰同暗鄭吒惡魔隊決戰。
最後鄭吒贏左，第一輪迴世代終結。
第一輪回世代死剩鄭吒、林俊天、劉郁，仲有兩個惡魔隊隊員。

戰後，兩隊剩低既隊員一路搵緊方法進入納尼亞各自復活隊友。

大宇宙暫時未係
但我思疑佢遲早都會link 埋

楚浩嗰本基本上只會睇有鄭吒出現既章節
試過睇埋其他但唔係好頂得順
啲劇情亂到七彩唔講
啲台詞極度中二病
我記得有個唔知咩州隊隊長見人就問人有咩夢想
成個痴線佬咁

大宇宙都爛左尾啦唔係咩
嗰陣佢同一間網文公司鬧翻左轉返去起點
大宇宙個版權應該係間公司到
如無意外應該當無寫過

惡魔隊死剩楚軒同用eva 條友

又係佢條死太監

爆左個黑洞吸晒入去就完

本身故事有啲取港漫同日漫之長嘅味道

大宇宙成本書就係講 走科技路線既超脫
洪荒歷就係無科技超脫既故事
兩本書其實有d關係

其實本書都幾好睇
我記得搵到新地球之後無幾耐就完左
嗰陣心諗wtf

大西洲隊隊長羅杰
呢條友已經係成本書最討喜既角色

Nope 應該係昊天同羅甘道
不過負楚應該有後手復活左

都認同既
最起碼我仲對佢有啲印象先
其他人基本上連楚浩啲隊友我都up 唔出

大宇宙真心仲算好睇個期
前排search 佢d書見番個句：身為黑星，勝死無憾。過左咁多年都仲會起雞皮

之後既書

同埋佢啲特殊體質永恆者耳語者…etc 都算有新意
好過而家本本都盤古人皇女媧，睇到好悶

要去起點睇？

同埋大宇宙既智慧運用係咁多本書最高水平
任濤解決問題既方法係幾精妙

盜版網

真 好同意
作者成也設定敗也設定
前面太多情節同伏筆已經JUMP到記唔到
每個新既「劇情」都只係為左「設定」服務
極差

係咪又炸沉日本

其實係連d設定都差
新呢一本書最唔好係連d角色都唔討喜

估唔到原來佢仲有出
好耐之前睇署光睇到一半停咗 近排先重溫完一次恐怖同重新睇署光 仲要未睇晒差啲啲
睇到之後嘅標題同剩低嘅集數就知唔會講到中洲隊復活
點知原來仲有新故 但係睇到各位師兄都係咁屌
我諗過多排睇總結算 真係好撚嘥時間

見好多巴打都提起自己睇完恐怖但無繼續跟，係到寫個懶人包比大家︰
首先係無限系列既閱讀順序︰無限恐怖>死亡開端>無限曙光>洪荒歷

跟住落來就講下恐怖之後發生咩事，主要會圍繞住鄭吒一行人講，可能會提兩嘴新書既主角同背景故事。
以下內容涉及劇透
以下內容涉及劇透
以下內容涉及劇透

好，開始。

死亡開端其實係講人皇伏羲轉世既故事，除此以外帶出原來係以前係無限Universe 既主位面上有無數咁多種智慧生物，例如龍、鳳、精靈，呢D物種全部有自己既文明、魔法、科技。但人類係呢片大陸上既地位係食物、貨幣、奴隸、實驗品，係盤古、鴻鈞、人皇伏羲、三清之類既人類英雄成功革命，建立人類政府——天庭，先令人類成為宇宙既主角，anyways 呢part只係背景故事。

曙光既故事番番輪迴世界，自正體鄭吒打敗負體鄭吒後，第一輪迴世代結束。鄭吒帶住林俊天同劉郁一路繼續係恐怖片輪迴等待進入納尼亞第三次復活中洲隊既機會，途中遇上左曙光新主角楚浩同佢所在既北冰隊。中間產生過誤會但都解開左，可惜楚浩身亡，鄭吒被唔知點樣復活既負體楚軒算計，跌左入時空亂流，動彈不得。最後，北冰、中洲兩隊既剩餘隊員結盟，相約幫忙大家復活隊友，但唔知咩原因天庭政府想阻止佢地復活隊友，多次同林俊天、劉郁、北冰洲隊交戰。曙光完。

新書洪荒歷講述人類如何係洪荒大陸崛起既故事。本書有三個主角︰吳明、昊（楚浩既前世）、盤古（鄭吒前世）。第一主角吳明帶住人類統治宇宙時既正統修真科技同初代主神穿越番洪荒大陸開無雙。一次意外跌入時空亂流之中撞到鄭吒，同佢成為左朋友。鄭吒係同佢相遇一同冒險左一小節後成功殺入納尼亞位面，復活晒所有隊友同埋負體鄭吒，但正體鄭吒亦都係呢戰戰死，楚軒同負體鄭吒合作，帶領住中洲隊全員離開，唔知未來仲會有咩計劃，但按後續穿插既劇情來睇鄭吒佢地會開創下一個時代，但係戰鬥都仲遠遠未完。總之之後吳明被封印，第二主角昊出場，昊又帶領人類崛起，但應該係注定失敗，故事又由盤古同鴻鈞（楚軒前世）接手，繼續帶領人類反抗萬族同天命，目前到live 既劇情都大致係咁。
完！

其實作者唔寫無限世界既故事都唔錯
eg俠行天下 大宇宙
但係兩本都爛尾 屌

見好多巴打都提起自己睇完恐怖但無繼續跟，係到寫個懶人包比大家︰
目前到live 既劇情都大致係咁。
完！