睇完《給19歲..》嘅入一入嚟…想講吓阿聆

導演今日訪問認左：

首場校內放映後事主立刻表示不同意公映
協商後同意包場放映+參與影展去繼續籌款

當年講既係「喺戲院放」，學生可能理解做包場籌款，導演理解做公映

事主最後係無簽公映同意書



以上都係導演親口講既，已經唔提事主既說法
點樣理解做事主一直同意公演，最後反口？

正正就係佢唔想比咁多人知佢以前既衰野 所以咪無簽第2次同意書
大佬佢仲要見工嫁人

套戲幾正面都好，本身佢哋唔係公眾人物，亦都無辦法控制所有人都純粹淨係睇套戲帶出嚟嘅訊息，而唔去對入面出現嘅人評頭品足，咁其實當事人唔想俾人知道以前嘅自己係點屋企係點都唔出奇，始終10年過去咗，人都可以有好大嘅轉變

同埋睇一啲經過剪輯嘅嘢，真係了解到一個人嘅性格咩？
有時你同一個人朝夕相對都未必了解佢係咩人🤷🏻‍♂️

點解十年間有咁多次機會反對放映，然後同意包場放映同參展，然後首場校內放映之後又反對返？

溝通係雙向，十年內有冇明確表達自己立場，定彈出彈入有畀假像人覺得你ok? 係咪從來冇過口頭𠄘諾？
包場同參展係咪都要發行商先做到？咁你堅決反對放映嘅時間點係咪太遲？係咪唔駛同發行商、團隊交代？點解佢父母細佬要去感恩大會恭喜套戲公映？而家係咪溝通上出現誤會？
咁學校、拍攝團隊、幾個女仔係咪會再詳談,然後再交代結果？
但另外一啲post有人未審先判，覺得道理如果喺學校嗰邊，佢哋一早告咗Ling. 未告Ling,啫係女方講嘅都係100% facts.
但點解你哋覺得學校會想搞到告自己舊生？學校要好似Ling處理哩件事嘅手法咁激烈先算係正確嗰邊？
如前面一個好中肯嘅comment所講，一個講情（學校），一個講法（Ling). 如果學校一直都強硬咁揸正用"法"去逼幾個女仔拍，係咪先唔算"情緒勒索"？

另外阿佘話唔知校外食煙俾人偷拍，佢覺得係導演主意定事實真係導演主意？佢接受訪問話，想像到導演叫cam man去拍佢校外食煙，佢講哩件事客唔客觀？因為佢唔知俾人偷拍，咁佢點知係導演叫人抓拍哩幕？
幾個女仔係講自己感受，但客唔客觀？係咪100% facts?
知唔知道自己片中/現在公開發表過嘅言論係代表自己，自己要付責任？

你第一句已經全錯

班學生Final Cut 過電檢前係片都無得睇

第一次睇就係校內放映，而事主已經即刻表明不同意攞去公映

包場同參展已經係之後既事，導演話係「溝通」後事主同意既。某程度上事主已經妥協左。
因為條Team 本身叫DVD team, 本身條片純粹係送俾捐左錢既校友。 （DVD Team 依個字眼起學校官方YouTube channel 出現過）

你咁多問號，不如望下雙方都擺左出黎既事實先

如果係只接受出DVD,點解之後要妥協包場/參展？點解唔堅持一個立場？要彈出彈入？

BTW 我想問係咪所有電影同docu過電檢前要俾所有演員睇？睇完再聽幕前講應該點剪？咁剪接師同導演對你哋來講係咩？

咁樣叫彈出彈入？

DVD > 校內 > 包場 > 參展 > 公映

依個程度既分別細路仔都明

妥協咪啫係俾面你俾面學校囉，有幾難明？同意包場參展當然唔代表同意公映啦

唔好唔記得連事主老豆都寫信俾校董會表明不同意公映

你似乎唔理解演員同受訪者既分別

演員係簽好合約，roll 機後所有畫面都有機會出街，係清清楚楚架喎
（部份電影真係會出現演員頂唔順，要同製片deal 既情況）

今次有乜可比性？班學生係演員？係跟劇本演？有簽演出合約？開機前知道會公映？

一樣都無中喎唔好意思

DVD得？但公映唔得？咁串流又得唔得？如果個觸及率係一樣，我諗細路仔都覺得唔make sense

香港小姐實至名歸，才色兼備

你睇唔明我問你幾位受訪者final cut上電檢前，未睇過係唔係好正常？
而家咪事後deal緊

DVD 既意思係攞黎籌款，俾校友睇既搬校紀錄片喎

仲好意思講觸及率

駁唔到都唔好指鹿為馬啦唔該

你覺得DVD賣咗畀校友=得校友先有access睇到
咁之前幾條為學校籌款，俾校友睇嘅片擺喺youtube度，又係得校友先有access睇到

果你係阿ling, 你會點？希望你唔會雙重標準

霸王硬上弓公映，六百萬票房
咁叫「事後deal」？你都幾好笑

依家唔係跟劇本架，片入面係學生六年既生活，係正宗個人私隱黎，俾啲尊重啦
（有啲鏡頭仲要係偷拍，roll 機都無）

答返你個問題，電檢前未睇過ok, 受訪者隨時撤回出鏡同意都ok 架

紀錄片製片同被紀錄對象要時刻溝通係好正常
都好多紀錄片係最後出唔到街

得唔到同意，改變用途再夾硬公映就真係唔正常喇

你都識講觸及率

唔該你查下「率」依個字點解

夾硬拗有乜用呢

wait a minute, 你知唔知係優先（包）場600幾萬票房？
公映係2月2至尋日，你講既600萬票房唔係公映所得。
係導演決定下架。
我咪就係話佢哋而家個狀態係受訪者唔ok,所以事後deal/未deal/未deal完。

2021 年12 月首次校內放映
2022 年10 月開始有開放公眾售票既優先場

事主既說法係2022年1月校方提出「private screening」同參展

按時序，好明顯優先場已經係硬上，唔係事主同意既「包場 / private screening」喎

上星期公映前幾日佢父母細佬又黎恭喜套戲會公映，又話Ling心情平復咗？唔係趁有記者在場，應該來講反對抗議公映？立場同態度是否曖昧和misleading?

你挑黎挑去就係搵事主既責任

一句講曬，公映份同意書事主係無簽

有乜好拗？

丫，以前呀大導都認左冒市長簽名，今次唔冒埋學生簽係有啲失策既

其實喺度嘈嗰一班係咪大多數冇睇過

睇咗就唔會嘈啦，班撚樣就係睇唔到先嘈

以呢個case講，係應該喺俾校友睇之前，俾6個女仔睇先
直接講，因為佢地呢次係利用佢地真實嘅生命

仲有答埋吸煙果part,導演最後剪埋個偷拍鏡入去，咁就已經係導演決定。

你我都唔知係郭偉倫定張婉婷決定加食煙嗰兩秒畫畫落去。你亦assume咗張婉婷知道嗰兩秒畫面係偷拍所得。但佘講過除咗哩part, 其他時候都係有通知嘅情況下拍，亦唔止一次喺得到允許下拍到佢食煙。咁張導演角度點解需要偷拍？咁唔係同佢一直嘅行為contradict咗？都未查清係cam man自把自為，定導演（兩個導演入面嘅邊一個）話要偷拍。