睇完1人婚禮影評：你當成套野係福音電影就唔難睇嘅

先不論成套野都充斥住「耶穌嘅旨意」、「耶穌嘅安排」同雖然你錯左，但上帝會寬恕你嘅意像同對白外，單單主角阿冰同佢阿媽之間嘅劇情，你唔係信教都唔會作得出咁嘅劇情。

先講阿冰呀媽，可以話我近幾年來睇過最仆街嘅阿媽系角色，唔係講佢差一次結婚就同趙子龍一樣七進七出婚姻關係，而係佢對自己個女阿冰18年黎不聞不問，導致佢心理創傷左18年都不思悔改，我行我素，就係一個終極嘅自私撚。而當中有兩句台詞同之後嘅行為係令作為有家人嘅我都十分之心寒。

當劇情發展到阿冰爆左煲，要去佢三姨到避難，但發現只得佢呀媽，本以為係一個和解嘅情節，阿冰問左句：你係咪好憎佢？阿媽回：我係憎細路，但唔憎你。呢句噏得出，個編劇應該係連基本常識都冇，你唔憎自己個女，會出世冇任何照顧，擺個汽球係佢床邊就算數，都算。再駁一句：我只識做你家姐，唔識做你阿媽。當下我直頭想打9個編劇，作為一個感情正常嘅兄弟姊妹關係，會唔會無端端就唔理個妹18年，有著數就癡翻埋去？佢明顯家姐都唔撚識做啦下話。重要，阿媽條仔打黎又扔低個啱啱經歷緊人生最大危機嘅女，你個女心理創傷唔再發大啲都算好野。

但更好野嘅係，阿冰到最後係扔完蛋糕之後咩事都冇咁就原諒左佢呀媽同冇左陰影，作為一個正常人，甚至收窄啲一個有正常傳統家庭倫理關係嘅人黎講，It doesn’t make any sense. 呢段破裂嘅母女關係正常思考都要搵心理專家先醫到，除非阿冰本人就係耶穌，得耶穌先可以原諒佢，因為耶穌係為世人承擔所有嘅罪。可惜嘅係，我唔撚係耶穌，甚至教徒都唔撚係，佢地當福音電影，可能覺得好睇嘅。然而，作為一個普通人，我都係會想捉個編劇出黎打佢一身，你有冇諗過先作呢段關係架。都未計其他四段關係又係攞嚟同你開年。

而家係唔好講照顧 陪伴都冇呀

你哋屌鳩話睇唔明我講乜之嘛

佢老母咪就係去票站投票六次都投落泛民度咁囉
每一次投票對佢嚟講都係買個希望咁
個女明知係呃人甚至比佢老母借嚟做「花女」
本質就同一直投票比泛民既蠢人一樣
一去到叫佢醒果陣佢咪借d椅就消失

佢哋唔愛本土咩？愛呀。不過佢哋既慣性唔會因為你既覺醒而改變咁囉

欣賞你嘅創意

你試下將每一個人同埋事「夾硬」代入去呢十年發生過既社會事件度，你就會識笑㗎喇

最好笑既位係一人婚禮最終既胡鬧收場
咪就係連在暗既「攪手」都控制唔到連登仔既下場
成套戲係喺擲蛋糕果度我先笑得出，屌，原來clut片嚟

呢排好多影評人
有d仲話拍科幻片要真實 唔可以空想