呢到有冇巴絲係讀完U出黎做裝修/地盤

上年5月Grad 左之後，報左個MT programme ，而家做左差唔多大半年，發現自己唔係太適合呢份工。但又好似搵唔到D咩工做咁...

想試下做裝修，起碼叫搵到d錢咁，睇下有冇同路人

返到個人好攰，冇曬精神咁

中小企 MT = 咩都要做

假MT 真文員

返地盤更加攰，無論肉體定精神上

未grad都大把 跟老豆跟細叔伯

精神應該唔會攰掛？起碼放工/放假真係可以唔洗搞公司野，同埋人工都高D

好似仲辛苦D....

返地盤就係 裝修做老細就大把野跟

2015年dse畢業後我做過地盤，雜工，當年750一日。宜家雜工應該1000一日。每日就係執頭執尾，清地盤垃圾，日曬雨淋，同埋會比地盤佬蝦。我當初第一日返工就磨到成手水泡流血，之後日日成手包止血布紗布返工，精神&肉體都辛苦，返工翻到好似機械人咁做嘢，挨到9月開學就無做了。地盤就好pay d，但堅辛苦難挨，同埋好L危險好L危險。
2016年暑假就做過裝修學徒，嗰陣650一日，宜家白紙可能800。裝修對比地盤輕鬆d，工作內容係打釘，駁電線，搬搬抬抬，鏟牆油油。唔使日曬雨淋，但相對塵多，同埋白紙會低少少人工。

師兄你已經好捱得了做裝修我覺得起碼叫學緊一門手藝，遲D如果移民都叫搵到下食。

Btw想知Ching而家做緊邊行？

同埋有冇D tips 可以比下我呢d裝修白紙

之後暑期工都做過冷氣技工，消防公司工程助理
叫做有張Poly沙紙，畢業後繼續碌工程，係d判頭公司做BS行業，行地盤，畫圖，處理文件，開會，乜都跟d咁
唔叫發達但都唔會餓死咁

我以前都咁諗
但你eq頂唔頂到日日返工比人屌先？
同埋收工之後攰到唔想做其他嘢，愈來愈頹

入行最難，工程好多唔出糧公司/蛇頭，最好真係有熟人帶比較好
自己諗下有咩興趣，地盤都分好多範，扎鐵釘板泥水電王燒焊棚架鋁架，甚至開車都得(開雞頭開天秤開鏟車)...當然有最cheap的雜工，不過咗雜工真係無乜出頭日，要學門手藝好，可以上建造業學，好似有讀書津貼。
裝修都一樣，本身分為室內家居裝修&地盤裝修兩大範疇，入面再細分有木工，電工，泥水，鐵器。你始終要揀個主力去學，其他就略涉就夠。當然你一開頭一定做學徒，但都要睇帶你個師傅係咩行頭，同埋師傅好緊要，教既手勢好與唔好就影響到你學到幾多。
此外，以上全部講緊工人/技工級別，如果你有相關工程HD學歷(BS，電，機械，土木)，可以行engineer條路(地盤判頭/裝修公司都有)，當然實際上係會似一個工程coordinator，協調工人的工作以滿足顧客的要求。

咩都試下lo
最緊要搵啱自己嘅舒適圈
人地覺得辛苦可能你覺得好正
我由拼搏轉去躺平返休閒hea工
由每日壓抑變返係開心
當然錢會少同埋冇晉升
睇自己取捨
但豐衣足食平時洗費都唔大
放棄上進換返條命真係值得

邊行

讀完書，做地盤做到以家，十年左右
初初頭一兩年，就一定唔慣既啦
地盤環境，天氣，加埋搬野，都好辛苦
做耐左，就習慣，收工都唔會太攰

以家做到師傅，真係嘆好多
人工高左，但工時就好彈性
因為係師傅，好多時老細叫你一個人做
返工放工自己決定（偷走）
試過返1個鐘/半日，就收工
其實地盤真係幾好做，好過好多工

做裝修跟錯老細做好心理準備紅日都要翻工
一個月做26日以上
試過9點翻工ot 到夜晚4點先收工

中大畢業
做左地盤同裝修接近10年
一畢業就去左做裝修
之後做地盤

想講做地盤輕鬆過做裝修（唔計天面個d淨係曬都曬累你）
咁大個地盤
咁多工序，其實hea做慢慢做，無人理你咁多
但裝修空間咁細，真係密密做無停手

當你可以獨立工作個陣
你慢慢做都唔會有人理你

但初初入行一定辛苦
清垃圾又係你，上料又係你，咩都係你

地盤儷先係最有精力諗星期日去邊消費果班

佢放工放假唔想諗野，你推介佢做一份冇得收工既工？

曾經我都以為係，挨咗幾年
quit咗換第二份工作，宜家日日6點收工有時候唔對路建議秒quit保人生

樓主咩mt