有冇轉搞離婚嘅律師行好介紹？

唔駛再傾咁多啦
盡快出petition
再做埋附屬濟助+Custody申請啦

想問，如果對方唔同意係咪一樣要燒錢上庭打官司？

係，唔係水你打
不過有時無得慳呢啲錢

其實樓主你有冇好清楚同律師講你想點

然後律師有冇比建議你點做。
好似你搵既律師只係你叫佢做乜佢照做咁。

隨時係女同事唔開綠燈 冇得出軌咋
條女flirt多兩句 唔信佢唔會狗衝

夠兩年直接單方面搞， 上庭睇官判唔得咩

咁我就答你，一秒都冇，唔想出，我亦有同唔少男性朋友傾計，以前仲有同屋企啲寵物傾計𠻹，咁你又信唔信？ 定係覺得我都係想搞基或者人獸交？

雙方關係我從來冇講過我冇問題，不過我亦都冇必要喺度同你報告我點樣關心個小朋友

如果個女識玩既依啲先有排打… 試過3年幾
個重點係個仔用左「老豆老母」既利益比左離婚前既生活水平女方，所以男既要「量化」返個水平比女方

通常出名果d都無乜賣廣告，圈子太細唔多講啦。
試過一單係爭6億幾資產既，律師費接近1億幾埋單

感情野我skip左，唔計你哋恩怨情仇啦，factually 你哋個情況其實你係下風：

1. 你講明唔比贍養費，就算佢話唔收都要雙方同意，佢唔肯簽姐係唔同意啦。正常中產家庭，返學，租，生活費之類再乘返你個仔距離18歲年齡，上個月完左一單個女3歲既，個官判左15年記得都3M起。

2. 層樓當10蚊，如果係聯名既話其實你只係比左你果份既8成佢（佢自己有5蚊再加你果4蚊）。按樓上計算，如果你層樓過千萬既話就可能比你compensate到，但都係要有agreement在先。

3. 你哋成家本身有移民打算，你依家中斷個關係，依家想追返共同撫養權。若果你無簽離港令比個仔，佢哋導致佢同埋個仔損失左依個機會。

你損失層樓4成錢，佢損失湊仔，之後獨力照顧，移民機會，個官多數會企係佢果邊。

雖則你想打我哋有錢賺… 庭外傾掂最著數。無朋友可以搵mediators, 你預每人洗多6-8萬左啦

贍養費係計分開後點keep返生活水平，你低收入過對方就多數有，只係差在幾多同如果比唔足仲值唔值得打姐

正解… 其實我哋都唔鍾意做依啲case.. 好鬼煩

係，但算比大家多個空間諗下野同燒光陰