就係行書店打書釘，乜野類型都睇下，有時間既甚至睇2、3個chapter，唔好限自己順序，邊度有興趣，就由個度開始
喜歡既不妨買幾本番去慢慢睇慢慢思考，唔洗多，因為哲學世界太大。例如有巴打提及讀邏輯學打底，我好同意，但我覺得真係好好好悶，到依家都啃唔落
畢竟你唔係要做哲學大師，所以先讀自己有興趣既如果擔心本書根本係垃圾（講定所有超譯系列都係垃圾同誤導人），會睇壞腦，不妨問下我地，或者睇下相關書評
唔好去三中商（唔計政見，選書太差），大書店去誠品，小書店去旺角序言書室
有啲普及哲學既書/ 學者比較有質素例如Micheal Sandel幾好入門、蘇菲的世界算係經典、一啲系列書如法國高中哲學讀本、德國教育公民思辨課都係唔錯既哲普書，或者香港都有一啲唔錯既哲學書，例如《情動於中：生死愛的哲學思考》、《定見之外：日常生活的哲學短篇》
如果想了解尼采，有一本《Simply Nietzsche》，近年新出，唔少學者都盛讚佢係非常好既入門書，不過暫時得英文版，另外牛津出版既通識讀本都有尼采，可以先睇睇合唔合自己口味
如果睇片，我極力推介一個YouTube channel：超級歪
佢係台灣channel，用一種好通俗既方法去講社會科學同哲學，好好聽，就算係專講台灣電影同教育制度既片，都學到好多野，佢亦有一條片專講尼采哲學，仲推薦咗幾本關於尼采既書，樓主可以去睇睇我講得太長氣，睇怕too long didn't read，走先
