撰文： 溫菁莉 發佈日期： 2017-07-19 21:11 最後更新日期： 2017-07-20 11:41
現時主力在內地發展嘅李彩華，今日就一身閃珠片外套加魚網絲襪，都幾特別！(郭敏玲攝)
好耐都無係香港出現過嘅李彩華，今日就著住閃令令嘅珠片外套加魚網絲襪，首次現身書展出席寫真集發布會，都引嚟唔少市民圍觀。問到已經33歲嘅李彩華，會否怕被網友笑稱太高齡先出寫真，她笑說：「大把大我十幾廿年都出喇，宜家無呢啲㗎喇。」
佢仲話今次寫真集嘅收益都會捐給慈善機構。
李彩華之後仲話唔會去聽呢啲唔好嘅評論令自己唔開心，「可能有人會鍾意我呢種清新嘅味道。」提到今年都有好多後輩出寫真集，怕不怕銷量會受威脅時，佢就話唔怕，「我覺得各花入各眼，每一個類型嘅女仔都有人鍾意，唔會去好care。」睇番本寫真，入面都有好多水著照，李彩華就話最緊要靚為主，咁男朋友有無詐型？她表示，「佢俾咗好多意見，話影得好靚。（有無預購？）無喇，佢預購嚟做咩，派俾邊個。」
