澳門賭場老虎機係咪搵笨柒

上星期去澳門玩有部咩多福機，有咩大獎小獎，個聚寶盆會突然爆滿左就可以抽。有無巴打知其實係隨機會爆，定累積落去個聚寶盆？
利申打左一千蚊個聚寶盆都唔爆

爆 爆撚極都中獎小獎 上個禮拜爆足10次都唔比人中下 開兩個巨獎大獎先 都話連中3個中/小獎

派彩架渣bo, bonus派彩應該係跟果個系列既機一段時間既投注額, 而某隻GAME ge bonus 果D 應該唔同系列既機唔同唔同

而至於搵笨柒就緊架la, 賭得係統計上一定贏, 如果想玩下, 又相對耐玩D既可以參考下:

27
銀河 - 3.4/3.6%
https://www1.hkexnews.hk/listedco/listconews/sehk/2022/0328/2022032800662_c.pdf

1928
威尼斯人 - 3.9-4.2%
倫敦人 - 3.8-4.3%
巴黎人 - 3.3-3.7%
百利宮 - 5.7-4.6%
金沙 - 3.1-3.1%
https://www1.hkexnews.hk/listedco/listconews/sehk/2022/0324/2022032400484_c.pdf

200
新濠 - 3.3-3.4%
https://www1.hkexnews.hk/listedco/listconews/sehk/2022/0428/2022042800425_c.pdf

880
澳博 - 5.8%
https://www1.hkexnews.hk/listedco/listconews/sehk/2022/0421/2022042100496_c.pdf

我打左3千都唔出 我fd打1千出2次
我都想知佢點計

呃人，就算俾你中左jackpot佢都會話部機有故障所以唔賠

食水最深

你邊個場聽到？

中過好多次非終極jackpot
但都輸返唔少比佢

但數據上, 佢派最多錢架喇喎 5.8%
其他得3-4%

即係你入100蚊, 葡京俾返5.8 你
其他得3-4蚊

賭場輸打贏要，令澳門賭業龍頭地位蒙羞！澳門居民葉先生四月，先後在澳門的威尼斯人娛樂場和美高梅金殿娛樂場拉角子老虎機，動用近四百萬元現金，分別中了一千二百多萬元及九百多萬元獎金。然而兩間賭場均以機件故障為由拒承認中獎結果，雖然經多月磋商，但葉先生至今連一分一毫也收不到，誓言會追討到底。協助葉先生追討損失的澳門立法會議員高天賜，今天將在立法會提出口頭質詢，要求澳門政府杜絕這種輸打贏要的行為，維護澳門的國際聲譽。另有大陸賭客早前在南韓濟州島一間賭場贏得巨款，賭場不僅拒付，還反告賭客出千。

「贏就壞機 食錢就正常」

「澳門啲賭場輸打贏要，啲老虎機根本就搵笨，贏就壞機，食錢就正常！」從事貿易生意、現年五十一歲的澳門人葉先生憶述，今年四月先後在威尼斯人和美高梅分別贏取巨額獎金，但兩間賭場分別以「系統未有更新」及「畫面hang咗」等理由拒絕承認中獎結果。葉其後到博彩監察協調局投訴，惟兩間賭場均提交了聲稱由第三方公司檢查老虎機後作出的報告，指機件確有故障，故賭場不用作任何賠償。

中二千幾萬分毫不獲



威尼斯人
威尼斯人以機器故障為由，不承認老虎機的中獎結果。



葉先生在威尼斯人玩老虎機中了三個青龍圖案，惟其中一個離奇消失（箭嘴示）。

葉透露，追討期間，兩間賭場曾分別提出賠償他本應贏取獎金的一成，但葉覺得不公平，直指「我拉（老虎機）都拉咗成四百萬，總獎金一成只係二百萬，連本都攞唔番。」所以拒絕。至近期兩間賭場先後向葉出示最終報告，維持機件故障的結果，之後對方便停止接觸，至今分毫不獲。「我覺得好唔忿氣同埋好唔抵囉，因為真係中咗（獎金）吖嘛！依家你話壞機就壞機，賭場又係你嘅，賭具又係你嘅，監管又係你做埋，你話點都得啦！」



葉先生



葉先生在美高梅金殿娛樂場的老虎機中了三個財神圖案，不過其中一個突然「反彈」（箭嘴示），職員指是機件故障。



高天賜擔心賭場輸打贏要，會影響澳門的國際聲譽。

澳門立法會議員高天賜稱，最近數月收到愈來愈多市民投訴，指正常情況下拉老虎機中獎，賭場卻不一定會派彩，反而會用各種不同的手段及理由來拖延時間、討價還價，以減低向賭客派發的彩金。他指出，博彩業在澳門作為獨大的行業，應負上更多社會責任，有責任確保公平公正，而不是輸打贏要，在中獎後不派彩，這樣做會損害澳門在國際上的聲譽，因此特區政府必須確保博彩業的健康發展。

根據官方統計，澳門賭場因老虎機故障而引起賠償糾紛個案有一百三十三宗，平均一個月就有五宗，而在眾多個案中，只有三宗是透過博監局協助解決，比例偏低。

苦主斥賴帳 堅持追究

葉先生坦言，澳門作為全球賭業龍頭，亦已超越美國拉斯維加斯成為第一賭城，但竟然有賭場反面不認帳，感到十分失望。他將會出席今天的立法會口頭質詢，並指假如未獲政府回應，都會堅持追討他贏取的款項。

另一方面，高天賜指出，不少澳門市民投資賭廳作回報工具，但由於當局對資金及制度缺乏監管，導致有投資賭廳的市民損失慘重，早前就有賭廳高層挾款一百億元潛逃。他要求澳門政府盡快正式規範該行業，完善統一博彩法。

專案組

前幾日有條友係我面前中獎，派左百幾萬。

上個月都派左千幾萬。只能講個別案

我次次玩機都有賺少少
揀某啲機玩 要睇有咩line數 有咩百搭
可以無腦咁玩成日

咁堅？ 玩邊款機

你係咪調轉左黎睇，個百分比係指賭場贏既數喎

即係你每賭100蚊，賭場贏你$5.8

正常幾錢注先派咁多？

打200就中

玩成日要燒幾錢

賭場本身贏硬
但呢啲野先係走客嘅原因

起碼過百一鋪

唔好諗住玩幾蚊鋪會有大錢贏

一百一鋪 好快冇曬

其實出得jackpot 賭場賺舊錢都夠cover有突
絕對唔係輸俾你
係其他無中賭客輸

我見啲大陸佬入2-3萬落去玩
一鋪$176