覺得《1人婚禮》好睇 or 唔好睇都可以入嚟討論下 (劇透)

冰狗

冇最後嗰段嘅話都尚且合格，睇得過
係就係三個配角面譜咗啲，陳健朗搞笑好吃力，扮分手搞假婚禮就可以輕易變成youtube人氣channel，倒敍令到個flow唔太順暢......
但編劇都慢慢build up緊阿冰依個角色，由一開始覺得好多人識好開心，到覺得呃人唔好，再做到迷失咗自己，至少仲叫合理

但最尾突然畫風一變真係……
完全鬧劇，又嘥錢，又交代唔到最後乜野令到阿冰唔再迷失，覺悟返愛自己，瞓醒覺諗通咗一天都光哂咁就完？仲有，明明個主題愛自己，做乜撚野最後3個配角都要安排個partner俾佢地互勉？（再講互勉完之後又好神奇咁消失咗）

根本就唔係喜劇，荒誕片/鬧劇/cult片就差唔多
已經唔講事前套戲sell自己爆笑賀歲，究竟邊忽爆笑
周導今次真係剃自己眼眉

你睇多次
最後掉蛋糕果幕
唔係掉蛋糕聲….

冇錢都做?

呀冰個紋身真係唔得

可能有戲飛R到

最低限度要開返個唉豬先唔係以為係白卡

唔想玩IG....冇掂FB 4,5年，IG 都係得一張相，我呢種遠古生物已經比時代淘汰左

就咁睇黎呢套都好過超神經？

睇咗兩套
個人嚟講鍾意一人婚禮多啲
但係過時過節同親戚睇嘻嘻哈哈就超神經啦
兩老連youtuber都未必知係咩

好睇

好睇過超神經套垃圾

想開個麥浚龍post

又交代唔到最後乜野令到阿冰唔再迷失

咪個氣球Lo

講真我都算係鍾意90尾到00頭堆愛情喜劇
諗住呢個類型應該差少少都接受到
但點都無諗過會衰撚過Para Para Sakura
牙冰驚氣球個設定仲衰撚過城城色盲
除咗係劇本套路要主角作為克服自己嘅symbol之外，對劇本直頭係負作用
搞到做小丑個設定完全企唔穩，但編劇又無解釋點解死都要寫牙冰做小丑喎
克服氣球嘅過程又直頭無過程
主角寫唔好，配角更加寫唔好，全部都公式同平面化到核爆

好喇，要講做youtuber，但啲嘢又無youtuber質感（除咗牙冰本身真係youtuber之外）
十足啲老嘢要扮後生，但又唔肯真係用同去學習後生嗰一套

For TLDR: 2023仲係要搵盧覓雪扮醜嚟做笑位，品味仲衰撚過tvb

幾唔錯 條橋其實OK 王宗堯做戲有進步

未睇超神經，會唔會好過一人？（我覺得一人OK的）
見你哋講到一人咁差，如果超神經再差啲就算喇

盧覓雪無扮醜，反而對教會反思批判

我都想知盧覓雪邊part扮醜

你講嘅嘢我知呀
但個問題係電影說服唔到點解一定要係小丑吖嘛，甚至去到牙冰玩唔掂氣球逼住受氣都要去做小丑
呢啲滿足感佢做youtuber都拎到，點解一定要做小丑
個問題就係在於呢兩個身份太類似，工作性質類似、主角能力同樣完成唔到，甚至現實啲講都一樣賺唔到錢
拍出嚟其實係晒菲林，純粹係為咗圓到有氣球呢個symbol

至於盧覓雪有無扮醜同係咪反思批判其實係無衝突
佢著婚紗個場，唔係要搞笑真係唔會當佢大山婆咁拍

盧覓雪幾時有著婚紗？佢著牧師衫喎

阿冰做開小丑YouTuber，唔夠食咪 slash 埋做小丑
唔係仲識做咩？
就係講佢係冇料既YouTuber ，先做「小丑」

你悟性都幾弱

一人婚禮個場口，著婚紗係尊重返個場合
佢係自身支持一人婚禮，所以成為參加者，無扮醜佢喎
佢地開始係做小丑男女先到youtuber，youtube 搵唔到食要freelance 做返party 小丑，而且一個出色嘅小丑唔只係扭波，仲有其他才能