致想認真拍拖發展的你

大家如果想認真開展一段感情 唔該係拍拖前先睇清你嗰個潛在對象 以免日後傷害到自己

至於點樣睇清你嗰個潛在對象 第一步 可以先同佢多啲傾偈 話題不外乎
愛情觀e.g. 佢既愛情史
價值觀 e.g. 佢既生活態度或者未來想成為一個點樣既人
而且可以探討埋佢啲朋友係一個點樣既為人 近朱者赤近墨者黑 朋友係點 佢就係點 有時啲野呃唔到人

第二部 就需要出來驗證 有時對方講就咁講 你需要進一步驗證 最簡單既方法 就係出來食個飯 要記住 出來食飯係等你自己更加了解佢 可以留意佢既衣著 講野既方式 佢建議既餐廳 呢啲都幫到你去了解佢

做到呢兩部 你就知道大既佢係咪你想要既人 過程中切記唔好心急 你覺得未夠了解佢既 可以慢慢來 對方都想認真嘅 佢一定唔會介意你慢

以上呢啲係拍拖前是需要做到既野 至於拍拖後點維繫大家既感情 去到一個收成正果既階段 又係另一個topic 係呢到唔詳細講了

Btw點解小弟會想講以上呢啲野 係因為呢排小弟發現感情台太多人9up 睇唔過眼啫 而且我講既野只適合想穩定發展既人（即係用一個以結婚為大前題既心態去拍拖）

歡迎大家補充

仲要睇下可唔可以溝通到。

其實每一個人都會或多或少美化自己，淡化自己嘅問題。要多小小時間消化下，用心去感受對方係咩人。

唔好過份浪漫化一段相遇。

其實最重要係要理解自己係一個點樣嘅人，需要一個咩人，以及點樣係呢段關係中互相提升。

ps：朋友果part 真係好中，如果你本身同佢嘅朋友都唔太啱vibe，相處唔到，其實都無乜例外。千祈唔好唔信。

一開始就咁認真好易識唔到人

返 教 會 識 人

愛情史唔一定會同你坦白講囉

明白 所以大家要抱住識朋友嘅心態去同人交流 覺得啱傾嘅先做我講既第一步

但唔好傾太耐 傾到一段時間係需要約出黎升溫
唔係既話網戀冇意思

樓主講得岩

認同 如果用交友app識人 建議每晚或隔晚傾電話交流 文字交流算啦

真 app傾太快太密既話好快冇話題約出黎講
吹水王另計

認同睇佢啲FD正唔正路就知大概，唔好信對方出淤泥而不染我就奶撚咗嘢

有冇絲打想了解我

真 講得太中了

朋友個part,如果個男仔有個朋友出軌，係咪即係佢都係相似既人？

咁撚麻煩又要駛錢

正正經經叫隻日本雞算啦

睇佢對佢個frd個態度

屌你

朋友個part 真係好中

想知多啲

近排都有同一個煩惱

的確係會幾有影響
自問本身一路對感情好認真
但身邊熟嘅朋友全部私生活都比較混亂
自從我同上一個女朋友分左手之後都冇太認真lu

不如咁講 如果你有感情煩惱個陣 會揾咩人講 我諗大多數人都會揾返身邊既朋友傾 而一個點樣既朋友就取決於佢俾乜野既feedback你 e.g. 對感情認真既 會叫你嘗試叫你挽回你個段感情 玩開既 就叫你揾過第二個

我想講既係 朋友會影響你對感情既睇法

我覺得營造一個辯論情境係最快可以了解對方嘅方法
由佢立論開始、中間點樣去說服你、對呢個題目會講到幾深幾闊
已經可以睇到對方喜好係咩、有冇邏輯/常識、會唔會係一言堂有佢講冇你講、定係會輕易放棄立場（base on你嘅觀點有幾高說服力）等等
呢種情境就相當於佢會點樣去處理同類型嘅磨擦
趁機觀察吓對方情緒係點

喺互相了解階段去做呢件事嘅好處係唔需要太顧忌會影響關係
大不了就係退一步just be friends
呢個階段多少都能夠放開d坦白d
而且唔需要辯論出結果
To be continued 都係製造一種再搵對方嘅氣氛
前提係大家今次傾得開心