https://www.facebook.com/104318651932201/posts/pfbid0iAe64MoNyUPgYqtFuwdMbmnrAKwtkUmWGkNaNkHbapE4x6J3JdtjmYyR76YXBZfxl/?d=n
娛壹都幾癲，文學解讀都出埋
《超神經械劫案下》暗爽對白
“乜嘢叫正常？出面個社會咁樣叫正常？”
“得五個人都玩民主”
“只係用另一種方法，喺呢個世界繼續生存落去”
------------------------------------
✨請到留言區撳Link睇片
今年港產賀歲片第一檔，《#毒舌大狀》與《#超神經械劫案下》對撼。(《1人婚禮》本月26日正式上映)。《毒舌》講明係正劇，非一般賀歲片；《超神經》雖打正旗號賣搞笑，但輕輕鬆鬆的個多小時，竟是笑中有話，多處對白令人共鳴，睇得暗爽，「就係你呢啲『木』契，永遠踩低自己人，睇死自己人。」、「你只係用另一種方法响呢個世界繼續生存落去。」、「更重要就係我哋自己個心點諗，要醒定係繼續瞓呢？」這些年，需要喜劇解鬱躁，令人會心微笑的材料，比直白搞笑，更有療效。
【洪嘉豪目睹所謂的「民主」】
#洪嘉豪 飾演的解款員「啫喱」，準備「着草」途中遇上車禍，負傷後到附近一條僻村求助，即只有幾位村民王菀之、黃正宜(阿正)、邱頌偉、楊天宇、郭思、張明偉居住的隱世村莊。洪嘉豪求助時，首領王菀之叫幾位村民投票決議。洪見證一場小圈子玩意，不禁失笑︰「得五個人都玩民主，真係令我大開眼界。」
【那些年，被年獸撞低的…】
落在洪嘉豪(啫喱)身上的暗爽，還有一段他遇上亂入的年獸，事後他跟白只、魏浚笙講述那場遭遇時受到質疑，於是他說︰「你唔好理點解我知道，因為我細個真係畀年獸撞低過。」「啫喱」的童年陰影，現實中都有位成人，在新春大吉日子，被年獸撞到飛開。
【黃姑的堅持 對抗唯利是圖的村長】
另一幕黃姑(#王菀之 飾)率村民向村長(朱栢謙)質問，為何把地賣給權貴，出賣他們的對手戲，因村長以此為由︰「响香港搞農業，死路一條。」惹來村民振忠(邱頌偉 飾)怒罵︰「就係你呢啲『木』契，永遠踩低自己人，睇死自己人。」黃姑回應唯利是圖的村長：「我哋每一個人，自己都有嘢要守護住，而你呢？自己人都睇低自己人，你無資格幫我哋做決定呀！」
【兩種人】
選擇在僻村生活，堅持自己想法及生存空間的黃姑，跟外來者有成(#張敬軒 飾)對話，同樣嗒落有味。
黃姑說︰「正常？乜嘢叫做正常呀？出面個社會咁樣叫正常？」
有成回應︰「咁係呀嘛。個世界係咁架啦！唔通圍住佢嚟轉架？」
黃姑續說：「咁你有冇諗過個世界可以唔係咁？」
【野豬與人類】
戲中，有成在僻村山頭嚇見野豬一家，黃姑以「人畜共融」方式，令野豬自行離開，之後她跟有成說︰「其實野豬平時都會匿埋，唔會主動攻擊人，除非有人趕盡殺絕啦，迫佢哋行到絕路。」還有那艘沉沒的船，叫「珍寶」。
【Do姐點醒張敬軒】
《超神經械劫案下》邀得 #Do姐 客串聲演，戲中她做番老本行，飾演電台節目主持，訪問電影人的她說︰「現實有好多時，都唔係因為咩外在因素就可以喚醒自己，更重要就係我哋自己個心點諗，要醒定係繼續瞓呢？」這些年，身邊出現多少沉睡、甚至選擇裝睡的人！
另一驚喜客串，是演黑幫頭目的 #Juno( #麥浚龍)，尾聲他跟豪Dee道出一句精闢說話︰「你只係用另一種方法呢個世界繼續生存落去。」去或留，何嘗不是。
《超神經械劫案下》編劇，除身兼導演的 #應智贇(阿溫)，還有 #黃智揚。黃其中一部編劇作品，是ViuTV劇《教束》，將校園變成社會縮影，劇集一度引起熱話。《超神經械劫案下》的英文戲名《Everything Under Control》，一場械劫案，尋回的失物其實是甚麼？在荒誕世代，更需要從電影尋找心靈「雞煲」。有晚優先場映後會，導演說是「雞煲」。
【應智越為兄客串︰偶包已經比河童食咗 】
《超神經械劫案下》除雲集一班主要演員外，亦有多名客串角色。尾聲出現的亂入河童，綠臉，大咀的特技化妝，完全認不出就是導演的弟弟 #應智越(細貓)。他昨日在IG分享了拍攝角色河童時的化妝縮時，將整個人都變成綠色，似乎 #偶包已經比河童食咗 。
細貓表示，當時劇組邀請他演出河童這個角色，一方面考慮到需要跳舞，另一方面導演(應智贇)細貓一向形象斯文，如果演河童這個角色會給觀眾很大的新鮮感。「我都考慮了一會，最初以為河童造型要禿頭，想像不到造型會點；後來劇組原來想用較為日式的河童造型，而且亦都想抓緊機會，初次拍電影可以帶給觀眾歡樂。」
河童造型在正式拍攝前，特別倒模做了河童手和河童嘴；而拍攝當日都花了3小時去完成這個特技化妝，相信很多觀眾都認不出是細貓。
今次客串演出，除了是應智越首次拍電影，更是首次參與胞兄應智贇的作品 。細貓表示今次合作對他意義重大，畢竟一直視哥哥為偶像，亦一直希望可以參與其作品，所以特別興奮。
