［韓劇］愛情的理解

我都唔覺好多誤會，係男女主各有負擔同性格猶疑，令到大家錯過咗，但又放唔低對方

初期女主好似都唔太在意同信任男主，而且好似覺得保安仔同佢嘅經歷有少少似，所以容易溝通？

女主某程度上當咗保安仔係細佬咁，佢將對細佬嘅愧疚投射係保安仔度，驚佢都放棄保安仔佢會頂唔住，女主可能有愛保安仔，但係憐憫成份多啲，但保安仔又未好到值得女主對佢咁好囉

分左手唔等如一定要同秀榮一齊架
常秀根本唔愛美京 繼續一齊都一定唔會有好結果

唔一定啊
但美京講到明就算常秀唔鍾意佢都唔緊要 點都好過分手
所以佢咪講明繼續同自己一齊有咩好嚟cool煲
但常秀最後點決定佢都係阻止唔到㗎

一開始秀榮對常秀好明顯有啲自卑
所以對常秀猶豫咁大反應
相反保安仔令佢諗起佢細佬，所以好多事都無限寬容
但後來保安仔廢到秀榮都頂唔順

所以成套最pk我覺得係常秀
用美京做水泡
講就話為咗唔辜負自己作出嘅選擇
但事實上成日care秀榮多過美京
連美京冇返工都
平時啲相處都hea到爆
而秀榮雖然都唔係鍾意保安仔，但起碼佢都有盡力投入喺段感情入面
而保安仔只係廢到十分討厭

我替代常秀好嗎？美京初期人設太吸引我

個都保安仔仲出去偷食

美京成日笑，性格好又對常秀一條心

扮唔識溜冰嗰度 未睇到後尾都有預感到係扮點知真係
攻心計一開始我都麻麻
不過其實佢啲心計都冇乜攻擊性，加上愈睇愈順眼
所以就

佢攻心計真係有啲難搞，12集同女主講我會繼續鍾意你，令你過得唔好，其實傷人傷己，好傻

但我覺得好過直接黑化
黑化嘅話之後啲發展就會真係好狗血

依家都狗狗哋血，不過女二一直唔知有心定無意係同阿文爭嘢咁，男主係，幅畫係，俾衫阿文果吓其實有啲攞威咁

一開始我覺得美京有啲心計，都係因為啱啱返工嗰時，佢一聽到秀榮係分行女神，就好似有啲想鬥過咁去親近秀榮
俾衫嗰下應該係一直打俾常秀冇人聽 所以想搵個藉口試探秀榮
而幅畫應該就係想表達秀榮好珍惜好渴望嘅嘢，對美京嚟講只係垂手可得

美京真係好慘
男主正一食屎狗

我都係今日先睇完ep10, 覺得呢套劇啲人物性格幾寫實, 幾好睇!
我覺得秀榮之所以對常秀咁冷漠, 除咗因為放飛機單嘢令秀榮討厭佢優柔寡斷之外, 我覺得另一個原因係佢自尊心太強, 加上佢老豆單嘢, 令佢唔想成為男人底下嘅小女人.
反而秀榮對住鐘賢就冇呢個心理負擔, 而且我覺得鐘賢有啲地方好似佢死咗嘅細佬, 所以佢對鐘賢嘅態度係友善好多包容好多. 一開始我都唔鍾意鐘賢, 但後尾我覺得佢只係一個比現實打敗嘅後生仔.
至於美京又係典型戀愛萬歲嘅女人, 其實我覺得佢幾慘, 雖然份人有時係假啲, 但佢一直對常秀付出真心但始終得唔到常秀個心.
不過常秀當初會同美京一齊都係可以理解, 所以如果最後結局佢係揀美京嘅話我唔會覺得係BE, 咁當然佢最後同秀榮一齊就當然係GE啦.
最後我有啲討厭蘇景弼呢庭成日懶醒又鍾意耍小聰明嘅多嘴狗加上以前佢對美京一而再再而三嘅劈腿

完全體現大男人主義

睇到第10集，而今晚應該會連3集

但到第9集一開始嗰一段常秀同美京好似變成兩公婆咁嗰段完全不明所以 所謂何事？同之前之後嘅劇情唔match 回想番我即變黑人點號

仲有美京無啦啦去秀榮屋企送衫畀佢 秀榮聽完美京講嘅個原因後 無感到奇怪或成疑？

有冇人估吓

第9集一開始即係彈琴嗰段？佢哋去出差之後返屋企啊嘛
美京去送衫係因為一直搵常秀都搵唔到，之後佢咪特登搵個理由走去秀榮屋企睇下佢哋係咪一齊緊
秀榮就驚俾美京知道佢同保安仔一齊住，所以一開始好慌張

咁你要睇埋落去啦
我反而覺得慶弼個角色幾討好
會適時提醒下常秀 雖然佢唔聽

第9集開頭係常秀幻想黎
如果結左婚佢地嘅生活會變成點

oh 原來係呢段
我有諗過會唔會其實唔係幻想 係結局嚟
只係特登剪到好似幻想咁 最後結局真係重播呢part