香港人就係因為遇過太多仆街所以自己都變埋仆街

新年流流都唔想咁大怨氣，本身拜完年已經一肚火，睇埋套超神打劫仲火，套戲咩柒都係假，但呢句真係好深刻

「你一定比仆街傷害過、背叛過，所以你先會變成一個仆街」


講緊由細細個就已經遇到仆街班主任，小五小六升中試個陣淨係討好考得好既同學，對班入邊考低過20名既人完全睇唔起，考好個堆一係大陸仔一係屋企本身都有少少資源，家長日個陣就篤撚住你對你老母話你個仔第時唔會有出色，連咁簡單既試都可以考到咁差，到後尾直頭交功課個陣當住同學面話我呢種人交既功課只會浪費佢改功課時間


中學入左band 3完全係放飛人生，有班懶係好心既社工好似想幫你其實講到底都係跑KPI，識好多差唔多情況即係老豆唔係香港老母又唔得閒照顧你個類，其實有咩家唔家教都係天生天養，最多就叫你去參加下活動，總會有人受呢套既，唔受呢套又變成邊青，隔一排咪又係唔鳩理，最撚好笑就係打比我老母話我呢樣個樣，喂阿哥學校老師有出糧咋我冇啊，我一早知自己讀唔成書，過幾年已經要捱，點解我而家仲要十下十下坐係到？我係有條件我就唔撚日日係街邊流黎浪蕩啦，成績好個班又點？你band 3 黎架咋，出到去咪又係打死一世工


18歲已經出黎做野，跟師傅學，頭2,3年真係比人壓到傻，學徒人工低都算，咩粗重野都要做晒，佢自己手勢差比個客追又係屌我做咩睇漏眼唔幫手，算啦真係要認命，有時會覺得係咪讀返好少少會冇咁辛苦，到最後其他人咪又係日日係facebook 同 IG 叫春，一係就轉左去撈保險撈咩鬼倫敦金，我唔知香港所謂上游社會係咪好唔同，但我眼見既世界，我成長既世界，那怕只係少幾個仆街，我覺得條路可能已經爭好遠，而家都係得個做，唯有自己揸莊個陣對伙計唔好太仆街，不過係佢地眼入邊可能我都已經係一個仆街黎，香港其實真係好垃圾，話中意香港個班人唔知痴咩撚柒鳩線

有事慢慢講....唔好咁激動

個世界係閪，唔等於要做閪人

咩事呢

做唔做仆街係你自己既選擇黎

我冇激動，我只係失望，對香港呢個地方失望，對自己失望

我唔知人地點睇我，可能我係佢地眼中都係閪人，所以先冇乜人想同我親近

係好多時自己做左十幾年仆街都唔覺

唔做閪人唔通乜都自己受晒捱到有病阿？

其實係好大負能量， 你睇下連登既post
呢個地方既人變左慣性負能量
任何類型性質既post都好易見到

你咁樣係唔會打得贏哥斯拉

近朱者赤 近墨者黑

以前都會咁諗，而且我到今時今日都冇辦法做到人地講以德報怨
我係憎一個人我點都冇辦法放底

曲街有好多跣人嘅仆街！

連登我反而覺得幾舒服，網上唔使扮

識野喎

唔明

負能量好強
不過你講得啱，仆街的確係多
但係選唔選擇同佢哋做同類，就要你自己諗

冇睇龍咁威2？

見你對上個po話食團年飯面阻阻以為你好嬲

有但唔記得，呢幾日睇返先

一事還一事，親戚只係令我陌生，佢地唔係咩仆街

因為可以釋放負能量？
只會令負能量有共鳴 愈來愈多而唔會消失