教你點財自, 打斷窮人生仔正仆街既循環

是咁的
假設你同你另一半已經30歲, 而且都有中位數收入, 兩個人每月加埋就有54800蚊 (個數字政府講), 只要達到呢個標準就可以生
生左之後, 有幾樣野要記住, 可唔可以財自就靠佢地:

(1)
仔, 千萬唔好放資源去個仔到, 咩興趣班, 咩游水堂, 咩補習, 唔駛, 多餘, 全部用最粗就得
反正政府課程係設計到智力正常既人係讀到上去, 讀到讀到, 讀唔到由佢
學校搵間可以行路去到既, 唔俾飯錢, 無零用錢

(2)
樓, 唔好買樓, 有公屋住公屋, 公屋仍然係香港性價比最高既房屋, 唔信你睇下出面2000蚊可以租到咩, 無公屋痴屋企人住, 就算一屋7條友都OK, 小朋友仲會感受到家庭溫暖, 家用唔駛交太多, 3000夠

(3)
工, 一人一份已經唔夠, 起碼一人兩份, 男既可以放工做地盤, 女既就睇下情況有咩工OK返咩, 兩個人加埋應該可以額外多1萬蚊收入, 加埋月入64800, 小朋友交俾屋企其他人湊

(4)
生活慳得就慳, 唔去旅行, 新年唔俾利是, 飯就排免費飯, 沖涼去體育館

(5)
最緊要, 投資, 你咁慳, 一個月拎2萬5出來買股票應該無問題. 唔好買濕9股, 穩穩陣陣買S&P500指數基金, 睇返過往記錄, 你平均每年會有10%既回報

然後就係堅持, 你要做既係過呢種生活30年等複利發揮作用
30年過後, 你既投資就會變成4千9百30萬

但同時一個正常人咁捱法應該有好多暗病, 做咁耐地盤, 腰痛個D實有, 基本上得長期食藥之外無得搞, 要醫手尾長, 醫藥費又貴. 你另一半情況又係類似
所以呢, 最後既一步, 就係將所有錢交晒俾個仔, 然後消失係哥倫比亞既深山

於是你個仔就會變成無父母供養, 手上有半億既人, 多謝你既貢獻, 佢已經財自啦

然後你個仔敗家敗撚晒出去

完

然後你個仔識左件香港臭雞 唔洗兩年無曬

20-40歲身體機能最好.
去食仔, 食女, 旅行,要年輕無家庭要自由, 咁先玩得盡興,人生黃金幾十年乜都慳=白過.
你50-60歲有錢又點?

唔生仔咪財自

Why HK 臭G

我一向支持趁年輕應該見識多啲個世界，一世人黃金時間剩係喺度做做做有咩意思，到你六十歲先有個錢已經要留嚟睇醫生。錢嘅嘢你出世喺邊個家庭基本上已經整定，唔好一日到黑諗住點儲而家有嘅錢，眼光應該係放去開源，見識多啲，識多啲人，你個人正正常常嘅自不然會越賺越多。

第二點有啲問題
月入5皮點申請公屋

同問

然後個仔大個之後上連登屌父母有半億，細個都唔俾佢去學嘢，唔俾佢去讀好啲嘅書，搞到自己大個一事無成
可能好似住西環條友咁斬自己老竇老母

打鳩個老婆同仔女之後報驚？

點解要揀哥倫比亞既深山?
機票咁貴，大嶼山得啦

樓主好有道理
請問點樣搵個老婆同我生仔？
Ps A0

第5點⋯⋯
過往表現並不代表將來之表現。 閣下之投資價值可能會遠少於閣下原來的投資金額。 於最壞情況下，閣下的投資可能會變成毫無價值。

咁多人財自 邊個接盤？