【不斷更新】遊走香港公屋地圖 目前進度23%

租置公屋都當係公屋啊

Post埋第56篇：麗瑤邨先（因為尋日冇出到文，今日一次過補兩篇）

原文link：https://cutt.ly/N9xAHiv



上文談及到年初三先遊走祖堯邨，然後下一站就是我個人認為甚為隔涉，位於同區的麗瑤邨。

由於麗瑤邨位於地勢甚高的山上，其實從祖堯邨，甚至荔景邨過麗瑤邨，乘搭巴士或小巴可說是較佳的選擇。但當時看看巴士候車時間，動輒就是二十分鐘或以上，而且不知道等候小巴的時間究竟多久，於是跟同行的朋友一起行走到麗瑤邨。

沒有想過從山上走落山下，再走至山上的路程，雖然根據Google Map顯示，只有短短800米，但艱辛和隔涉程度，實在超乎想像，有一刻真的以為自己在行山。

單是這個體驗，敢說麗瑤邨話雖尚算在市區範圍，但它是我目前遊走過的屋邨中，最unreachable的一個。

千辛萬苦下，終於到麗瑤邨了。

首先映在我眼前的，反而是外觀較新的榮瑤樓。跟麗瑤邨大部分的井字型及舊長型大廈不相同，榮瑤樓於1999年落成，和諧式大廈單位設計的小型單位大廈，看起來跟其他麗瑤邨的大廈相當割裂。

說回麗瑤邨的歷史。麗瑤邨的命名，是源自以附近的地名荔枝嶺和灰窰角，而且麗瑤邨是按前香港屋宇建設委員會的規格與標準興建，是首個獲得煤氣供應的公共屋邨。

遊走麗瑤邨前，得悉榮瑤樓旁邊設有燒烤場，只供本邨居民租用，屬於全港唯一一個設有燒烤場的公共屋邨。但遊走當日只見中葵涌公園入口有個燒烤場，當時亦有人不亦樂乎地燒烤，傳出陣陣食物及炭香，未知有關燒烤場，是否就是網上所指的邨民限定燒烤場？

正式走進麗瑤邨一帶，最深的印象，莫過於它的荒蕪，荒蕪得很寧靜。

話雖年初三，偶然也遇見有人前來麗瑤邨拜年，但總體而言，邨內可說是人煙稀少，連屋邨內營業的店舖，也是五隻手指就可數完，連超級市場也幾乎不見街坊，氣氛相當冷清。唯一較深印象的，就是辦館內有2隻相當可愛的貓咪。

不過氣氛冷清是一回事，交通不便和邨內日常生活配套亦是事實，不過若果能因此而換上優美和寧靜的居住環境，加上公屋租金便宜，相信不少人也願意搬來居住吧。

仲有鱷魚山變樂意山

追到live

祖堯top3

問一問 有無巴絲住過新發邨同埋山谷道邨
想資料蒐集一下

祖堯真心好撚正

幫推

題外話 想問吓絲打記唔記得有一個屋邨
十一層嘅 戶與戶之間有條天橋咁連接？

支持 覺得樓主可以用ps執埋相垂直既alignment 會睇落pro同再靚啲

留名
樓主好勁

是咪利東邨？（如下圖）

多謝大大嘅建議啊

等小妹我研究吓點執先！

唔係要discourage 你
好似坊間已經有本書係圖文並茂香港公屋

btw評已正

多謝大大支持啊！

唔算勁啦so far都只係行咗74條屋邨，寫就只係寫咗接近60篇文，仲有好多未KO

Photoshop-> ctrl + T -> right click -> perspective transform 就可以執番晒所有透視橫直

點都好

注意天氣
小心身體

多謝大大支持啊！

我知道呀，坊間其實都有好多書同fanpage專講香港公屋，好多都仲做得好好， 不過我始終都想自己親自紀錄一下今日屋邨面貌，同埋想自己行晒咁多個公屋，始終自己行同睇人哋行個感受都唔同好多

十萬個感激大大指點，真係好多謝你

多謝你呀，之前年初二行到腰痛嗰陣真心驚睇嚟要換個好用啲嘅背囊了

呢排天氣反而還好，至少好過夏天嗰陣好多，試過有次影彩雲邨影到爭啲中暑，柒到喊出嚟

樓豬有料 沙角個幅影得好靚

唔係
佢係每層都有的 可能我形容得衰


類似係咁 每戶都隔咗一個位中空嘅

吖，咁是咪明華大廈同埋漁光村？可以睇睇下圖（可能我get錯sor）

感激大大幫推