講起交友app，我諗起一段難以忘懷嘅網戀

我同K小姐唔係喺依家流行嘅交友app度識，而係喺uwants啲交友版識，可見都有相當多年嘅歷史。

啱啱add佢whatspp，佢係一個都好肯主動講嘢嘅人，而且講嘢都算斯文得嚟唔悶，佢係會自嘲自己肥矮醜，我就開玩笑咁問佢係咪肥矮醜柒，交換相其實小肥，但唔醜。

同佢傾其實好投契，性格好吸引人。佢冇介意我窮，又冇讀degree（佢好似都有top-up degree)，傾咗幾日已經好有feel。我哋一路都只限text message，有一日我唔舒服，佢關心我，叫我睇醫生，又話叫我休息下瞓下覺，仲問我使唔使打俾我叫我起身食藥。哩一刻真係好驚起，我梗係話好。第一次聽佢聲音真係覺得好好聽，溫柔得嚟帶幾分可愛，當然聽得出佢亦有少少緊張。

唔記得係咪果日開始，佢就每日morning call我起身返工，我為咗想再聽多次佢把聲，我就每日都會扮賴床，要佢都打多次嚟。而同佢whatsapp亦都開始變得好曖昧，佢甚至主動send kiss emoji俾我，亦會主動嗲下我，等我氹。

可惜，佢一路以返工忙做借口嚟推我哋嘅約會...

擒晚冇瞓，啱啱醒，打住咁多先，要去出街

啱啱睇返以前whatsapp嘅message

繼續

樓豬唔好咁多幻想
訓醒就好準時返工

（睇返啲以前whatsapp原來傾咗幾日就打電話俾我，又話錫晒你。）

好，終於有一日，佢真係俾我約到佢見面。佢其實真係順眼，我哋一路行一路傾計，去到坐低食嘢，佢好多時都係講佢嘅工事。其實都唔係好緊要，因為佢生活都係工作佔咗大部份嘅時間，星期六又輪班，仲未計放假都OT，連有時真係放假都去幫人補習，我諗佢生活都冇乜其他活動。喺成個約會途中，佢間唔中都覆公司message，哩一樣嘢係令我最不滿。當然，我果時都諗係咪見完面冇feel？

果時約會完，我送完佢搭車，返去再whatsapp，表達咗我嘅不滿。之後第二日佢就冇打morning call我，而且覆message嘅態度冷淡咗好多。我同佢講，我明白有啲嘢冇得勉強。佢話好對唔住，因為佢覺得我似乎係要需要人陪伴嘅時間太多，佢做根本做唔到，佢冇辦法因為我而放棄咗佢嘅工作。

你曾經話過唔會掉落我一個，果時聽到真係好sweet。我當年真係天真過阿嬌呀！










雖然依家都係

終於到你講故仔

點解咁講？

因為你都係到蒲好耐

咁你都有印象

btw，哩嘢真係好心痛，雖然成日俾女飛。

慢慢講 當抒發下囉

跟住之後就好唔開心，日日去酒吧，就溝下啲𡃁妹。識咗兩個女仔佢哋係friend嚟，細我好似十年定十一年。不過哩啲都係大家玩下，補償下。

講埋當舒發下：

希望你可以搵到個好伴侶，可以work life balance啦。如果你有幸睇到哩個post又估到係我，千祈唔好向國安舉報我pls。