敏感牙齒點搞好？？

上個月開始飲野食野個陣，有時大牙會酸痛

個陣咁岩本身有約牙醫洗牙，佢都順便照過X光，發覺無蛀牙，但無講我係咪屬於敏感牙齒，只係話D牙肉有少少腫

以為洗完牙會有改善，點知都係唔得

有時就食野飲野無事，但食完晒野之後兩三分鐘先開始痛

買左抗敏牙膏同漱口水，開頭有D效，但間唔中又會痛返

其實係咪一定要再睇牙醫？

敏感牙齒其實有無得斷尾？
定係就算用左抗敏牙膏/漱口水，都會間唔中翻發？

推

推

唔好食熱/凍嘢

推

最好照全面x光，局部咬膠驗那款範圍太窄

刷牙刷細力啲！
個手法啱就得 唔使咁大力
刷蝕咗啲牙肉會敏感啲
同埋啲牙肉蝕咗就唔會生返
所以刷牙真係唔好咁大力

係咪以後都要用抗敏牙膏？
使唔使用埋漱口水？

用超軟毛牙刷，唔好咁大力，要用牙線一定要

舒適達有用，試左再問啦

早、晚用舒適達，唔好喺同一個位大力刷，中等力度就得，我就係咁，十幾年都冇再唔舒服

你係咪飲凍野先有明顯d既感覺
我之前隻大牙類似係咁 果陣以為係蚊牙
之後去洗牙順便照左咩3D X光但又話無野
我估應該純粹係敏感牙齒

但除左其他巴打講用敏感牙膏同漱口水之外 每朝都用油拔法其實有少少幫助

多謝上面各位解答

係咪舒適達先最有用？
其他牌子唔夠好？
不過我都會買舒適達試下

唔鐘意舒適達 會搞到甩口腔黏膜
次次刷完牙都有啲一塊塊皮
牙醫話因為果隻吸乾左水
佢話敏感牙膏有2種成分 一種係封住佢 一種係令神經冇感覺
所以之後轉左粉紅色oral b
同舒適達成份唔同

謝解答

想問係咪含氟化物的就得？

唔係 所有牙膏都有氟架

OK多謝你

舒適達應該要邊隻先岩？
見佢都好多款

推

見佢有咩專業抗敏護齦、專業修復抗敏、速效抗敏......

想問下到底邊隻先岩？
定係其實無咩分別？

師兄，用完舒適達有冇效？