另外，我喺度想update下近況，順便希望各位巴絲比少少意見，好讓我參詳一下未來應該點行落去。
講返背景先，小弟22fg 三大乞食社科grad，及後上年六月將原本計劃半工讀嘅無用master轉為full time 一年，所以我依加喺三大全職讀緊一個對私人工無咩幫助嘅soc sci master，嚟緊5月好快就grad，到時我會有一個三大社科bachelor (gpa過3.5)，三大社科嘅soc sci master（目前gpa過3.5），加埋我ug時期一份濕尻政府intern揸手
我今年吸取左上年嘅教訓，有認真檢討自己性格同喜好適合返咩工。第一，我認清咗起碼呢個年紀嘅自己唔應該比政府工抹殺咗可能性，始終一入政府就好難甩身，所以我短期內都唔會再報政府工
第二，我都希望長遠份工有挑戰性、講求處事靈活同用腦，比clients屌下練下eq，落足口水氹個客練iq之類，都係學習嘅一種
。故此，商業世界似乎比較啱我容身，所以我希望接觸銀行運作或者公司管理呢一個方向。我深明自己嘅背景喺商業世界比較輸蝕，但自上年8月起都盡量報咗好多大公司同banking嘅MT，同埋Big Four某啲posts，希望盡量入咗去個環境先。
到目前為止，所有大公司同Banking MT都未有消息，我都打定輸數。不過Bigfour方面，人手流失應該真係太快，唔知好運定不幸，有間比咗個aduit offer我，我都暫時接受咗先，所以手頭上有呢個offer袋住。
之後我都有深入了解aduit條路走落去係點樣，但佢嘅專業性質同我當初設下嘅職業目標都有啲分別。
其次，我有打聽過，因為我冇商科同埋會計底，所以一入去應該要接受綁約規定同上conversion training。一旦我上完堂之後短期內辭職，好似要賠一舊好大嘅錢先可以離開公司。
第三，aduit嘅返工人生，我相信大家比我更清楚
，我無諗過fg第一年返工就要chur到第二日凌晨。第四，依家我等於要重新學過一套新嘅技能，我都無咩信心自己可以應付得到
但又明白作為社科仔，喺呢個非常時刻，入到行做big four，餘下嘅路起碼叫做有少少起色，CV第一份工係big four總好過係細公司嘅普通職位。所以，自從我收到呢個唯一offer起，就卻步到呢一刻，未確定係咪真係鎖定要呢個offer。
所以，我好希望有豐富人生歷練同社會經驗嘅巴絲指點迷津
：究竟我應該要呢個offer喺入面捱一兩年然後再算，定抑或係繼續專心搵其他商界工並放棄呢個offer，那怕最後offer又無咗，其他工又揾唔成？定其實仲有第三條路可以揀？最後，唔好意思，成篇文太過長氣。我好多謝有心機睇到呢一度嘅巴絲嘅耐性，多謝多謝
做research project 其實做上去都係賣橋sell人搵你做research 拎research fund
