TVB、港台「一拍兩散」 金曲獎成絕響 港台4月復辦《十大中文金曲》 無綫則構思與大灣區合作

無綫與港台去年破天荒攜手打造《香港金曲頒獎典禮2021/2022》，合辦宗旨是齊心領導樂壇，凝聚音樂力量，締造香港金曲新一頁，但本年度《香港金曲》至今仍無聲無息，原來已悄悄「玩完」！

聽聞去年兩台在籌辦過程中經常鬧意見，合作不甚愉快，頒獎禮的評價也未如理想，最終搞到擘面收場！今年決定打回原形，兩台復辦各自的頒獎禮，據知港台的《十大中文金曲》頒獎音樂會依然計劃在4月舉行，日期尚未落實，但已通知各大唱片公司於2月初出席記者會公布詳情；無綫方面則想搞搞新意，構思與大灣區合作，但有待策劃安排，兩台對此至今仍未回覆。

去年在《香港金曲》奪得「最佳中文唱片獎」的菊梓喬，被問知否兩台擘面傳聞，她說：「吓？唔清楚喎！每個單位、每個機構都有自己執行頒獎禮嘅方法，我覺得冇問題，最緊要係畀歌手一張成績表，大家開開心心。」又表示每個頒獎禮都重視：「我係聽話嘅歌手，公司叫我去我一定去，但暫時未收到無綫頒獎禮係幾時。」

剛過去的《勁爆》及《叱咤》頒獎禮有好成績的泳兒說：「每個媒體都有自己嘅特色同風格，我覺得頒獎禮係一個年度嘅總結，可以同一班歌手朋友聚會，希望樂壇百花齊放。」

去年憑歌神張學友助陣歌曲《日出時讓街燈安睡》捧走「全球華人至尊金曲」、剛加盟英皇娛樂的Gin Lee說：「每位歌手都好努力做音樂，頒獎禮就好似一個大Party，等歌手朋友相聚一番，分享成果。至於獎項係一個Bonus，最緊要大家開心，有好嘅作品同大家分享。」

去年的男新人金獎得主曾比特，認為「分家」是好事：「咁樣歌手可以有機會出席兩次頒獎禮，大家又多一個機會聚首一堂，都開心呀！」

陳柏宇為支持樂壇，得獎與否都盡可能出席，他認為兩台是否分開搞都冇所謂：「分開搞嘅話，歌手咪多啲攞獎機會囉！佢哋搞咗一年就冇搞，我覺得嘗試新嘢係好事，唔試過又點知唔得呢？意見有不合嘅話，咁都好呀！如果個個都冇意見冇堅持，點搞都得，好似攞走咗啲藝術成分咁，分開咪分開，一齊咪一齊囉！」

MIRROR與成員Edan去年亦有在《香港金曲頒獎典禮》得獎，但因身份問題未有亮相無綫頒獎禮舞台，今年港台與無綫「分家」，相信MIRROR大有機會出席港台頒獎禮親身領獎。

今年佢完全收左皮

執柒左佢la

愛無餘地 隨意瞞

153上任個排正常左陣，依家又還原

兩台合作時為爭控制權而嘈交搞到一鑊泡，由於各持己見，令唱片公司左右做人難，最終頒完獎即「一拍兩散」

鮑比達成為香港金曲榮譽大獎唯一得獎者

菲律賓人

香港傳奇

人唔笑狗都吠

合併咗又唔覺得公信力大咗
咁不如分開搞算啦 各有各酬庸
無綫又俾返晒佢啲劇集罐頭歌
港台鍾意想俾邊個就俾返邊個

港台都未必like tvb要控制到俾獎自己友

香港金曲最佳中文唱片獎
女歌手：Hana 菊梓喬《不能放手》

香港金曲華語歌曲獎
倔強 谷婭溦

港台始終都要跪MIRROR

絕對有理由相信佢唔夠後面個兩個阿姐鬥

勁歌依家搞到咁縮，我覺得都係同收視好大關係，嗰時擺喺9:30啲收視真係低過佢哋其他節目好多

由頭到尾捧新人個套logic都係錯哂

睇下炎 就知

假如係其他唱片公司捧， 絕對唔會搞到炎寧願返大陸讀書先

仲naughty girl又係，兩個都話升學唔黎香港，話無事發生都幾難有人信