有冇人有玩過日本嘅柏青機

知唔知而家仲有冇一yen一粒既彈珠機

有一yen機
遠啲嘅機鋪就有
最刺激都係搵返換錢嗰間舖頭
好有探險感覺
又好似做緊犯法嘢咁

走法律罅

我去兩間大嘅都係得四円
我都係想磨吓時間冇諗過贏大錢

係幾好玩嘅，你唔好為咗贏錢，睇吓佢啲中獎特效都幾爽

啲一yen機好肉酸，通常都係得啲魚
唔會有動畫角色

mon hun機係咪冇晒
我前幾年嚟勁多，而家好似冇晒啲機

其實係點樣玩 全部都可以拎番錢?

我諗嗰啲真係一時時
通常三套穩膽動畫
北斗之拳，福音戰士，雷朋三世

0.5yen 一粒都有

畀錢買珠
部機度有入錢位
跟住右手邊有個制俾你扭嘅
係決定入珠嘅速度
跟住啲珠入到部機度就好似普通老虎機咁
去到啲特別位就會拉老虎機或有奬
有得stack bonus
stack到十幾層之後就係贏錢嘅時候
因為bonus會多好多
玩到夜晚收機
第二朝去返你自己部機度
個stack係會keep住
所以你會見到朝早有好多人排隊等入場
就係為咗去返自己部機繼續玩個stack
啲珠玩完之後就去返精算機計數
佢會跌牌俾你嘅，裏面就係你珠嘅數目
前台嗰啲公仔呀沐浴露啊嗰啲係做樣嘅啫
通常每一間彈珠舖頭嘅外圍
都會有一間好神秘但係又好易認嘅
類似屋仔咁嘅嘢
得隻窗口，對個牌埋去佢就俾返錢你
但係中間有冇折讓我就唔係好清楚啦

拎d錢去大并競馬場賭好過

以前係日本住果陣有個朋友沉迷左柏青哥
日日不務正業去打 又話咩跟到個師傅教佢點玩
問佢贏幾多又支吾以對 之後就慢慢冇再聯絡
冇自制心嘅人 建議小心啲

其實係咪等於可以贏到真錢嘅冒險樂園?

我冇都冇所謂啦
反正香港冇得玩

冇冒險樂園咁多嘢玩喎

勁

重點
一開頭係左打mode抽老虎機唔好扭咁盡
雖然d機會提你
上次玩re:0有幾下唔覺意大力右打左幾粒
出提示響到仆街嚇撚死，肯定俾d日本仔笑尻我
入bonus後要右打mode擰盡個制射去右邊，邊睇特效等收錢
有時d獎既珠仔會儲左落部機
有個制release返佢
㩒退卻制會退張卡記你珠數同退淨低現金
拎卡去台面拎景品牌（錢）同換禮物仔
好似無折讓？？？
不過要齊頭珠數好似500minimum一塊景品牌仔，或者睇你幾yen機啦，好少玩唔清楚
D 500粒樓下珠仔咪拎去換糖

你響邊呀

北斗之拳 好多都得返1 2部

成日開大熱既 依個場

我就唔扭到盡嘅
通常都係某一個力度特別易入bonus
搵到就攝卡紙，等佢停喺嗰個力

不過好多唔同技巧
其實都只係所謂技巧

第一次去換錢個陣有d緊張 行左1個圈先搵到

啱啱搵到歌舞妓街果間有一yen

人中之龍玩過計唔計