展昭
2023-01-16 03:08:10
套戲將男女主角相識過程拍得好浪漫,男主角好温柔,佢識女主角嗰陣女主角都未懷孕,未追到但後尾知道女主角有咗個陣,依然係佢身邊陪住佢,陪佢去做手術墮胎,女主角後尾唔捨得,男主角諗都唔諗就同佢結婚做埋bb繼父。到呢一段男女主角啲互動都好甜。
普通愛情電影到呢度就完,男女主角同bb一家人開心快樂咁生活落去。
但套戲嘅主線入後半段,講童話點樣破滅。
男主角有返一份藍領嘅工,女主角想佢努力揾啲錢,但男主角覺得收入夠用,應該用多啲時間陪吓個女,生活開心更加緊要。女主角做醫護壓力好大,想進修揾多啲錢但又擔心影響工作。
生活太多矛盾,現實生活磨滅哂啲愛情。
之後就好似樓上巴打提嘅劇情咁,無法挽回。
套戲情緒渲染做得好好,劇情好寫實,睇住愛情點樣被現實生活磨蝕,觀眾好易代入,跟住一齊depressed 。