佢陪左我地屋企九年
由佢bb仔一直睇住佢成長到依家 我一早當左佢係我親人
今年一月個陣佢打完預防針冇幾耐就白血球過高 唔肯食野成個月
個陣好驚佢會就咁去 好彩打左支抗生素針後冇耐就食番野
到左六月頭佢又突然唔食野 驗左血又係白血球過高
但今次嚴重D 去到成37
今次抗生素已經冇效了 七月頭驗血白血球升到 70幾
跟住照左X光 醫生話係肺積水 可能係貓腹膜炎或者癌症
我地唔想為左自己自私想佢留耐D就要佢受針藥之苦
所以決定左等佢去得舒舒服服...
呢個星期我日日陪住佢 望住佢
雖然佢已經冇再自己食野 但佢個樣仲係好精靈
我見到咁個陣真係好難受
叫我點接受下星期我已經要望住佢由生變死....
好後悔九年黎冇盡到全力愛佢
望住佢依家咁無辜天真既樣我真係唔捨得送佢去死
諗起下個星期已經唔會再有隻肥貓係屋企走黎走去就好難受
唉 究竟點先可以釋懷到 我仲可以為佢做到D咩......