《窄路微塵》面臨cut場次 六位新導演齊現身謝票 陪林森行窄路

https://www.instagram.com/p/CnJ0hepuhsJ/


✨睇片：https://youtu.be/Bfdks-XhV68✨

《 #窄路微塵 》 #林森、《過時·過節》 曾慶宏、《 #正義迴廊 》何爵天、《 #燈火闌珊 》曾憲寧、《 #白日青春 》劉國瑞、《 #流水落花 》賈勝楓及《 #年少日記 》卓亦謙，上述七位香港新導演，如果要找一個共通點，那就是 #鮮浪潮 。

#曾慶宏 18年憑《 #下雨天 》獲第12屆鮮浪潮國際短片節「鮮浪潮大獎」，故事講述14年10月一個雨夜，幾個生活背景立場各異的年輕人在大學宿舍共度一夜。聲援同學的行動一觸即發，長鏡頭下是年輕人思變的躁動不安。19年他拍了《 #木已成舟 》，母子天各一方，曾慶宏再以長鏡頭對準蝸居劏房，幽暗侷促的空間與明媚漁村成強烈對比。

#賈勝楓 在前年的《懷疑人生香港電影節》交出短片《埋單》 （另一位導演是陳詠敏）。一席壽宴，一張賬單，四兄弟心病大爆發。其鮮浪潮本地競賽參賽作《 #飛往父親的鳥 》（2019），靈感來自雀鳥攝影師父親。兒子發現患腦退化症的父親走失，隨着父親觀鳥時拍攝的照片線索，一步步走進人群與山野、重新認識這位熟悉的陌生人。 #卓亦謙 「鮮浪潮2011」作品《至少在夢裡》（學生組），自卑自憐的學生用幻想逃避現實，電影在第18屆ifva獲公開組銀獎。 #何爵天 「鮮浪潮2013」參賽作品《 #龐師奶的危機 》，不理世事的師奶仔踏上抗爭之路，擊退收樓黑幫，龐師奶說她不遷。

06年天星碼頭大限已至，07年皇后碼頭也守不了， #林森 拍了《 #人在皇后 》。短片《綠洲》講活化工廈政策，曾獲「鮮浪潮2012」特別表揚；14年另一參賽作品《仇》，茶記老闆與年輕伙記關係惡劣，社會環境也越來越不友善，兩個長期受壓的人終至彼此傷害。 #劉國瑞 的《九號公路》（2017），第11屆鮮浪潮參賽作品。嘉朗渴望到台灣摩托車環島，還認識了剛成為香港人、說得一口台灣腔的文文，很快就一起，但兩人之間有一個很深的誤會。自身身份的考驗。

現在網上多了一個新詞，「賣慘」，sadfishing，跟「情緒勒索」一樣，任何語境都能用上。或者用一位演員的名字，非關演技或表現，否定整部作品。在這個被表態及必須表態的時代，彷彿一切被重新定義。「告急」變成「賣慘」，其實兩詞意思完全不同。上述六位香港新導演，昨日一同現身高先電影院兩場謝票場，為身在海外的林森告急，因為《窄路微塵》面臨cut場。行動由曾慶宏發起。《窄路》昨收30萬，累積票房486萬。面對《THE FIRST SLAM DUNK》上正場，《窄路》前路非常窄。

【賈勝楓：好睇到林森淨係想將呢套戲拍畀香港觀眾睇】
戲有戲命，《窄路》出生時辰撞正《阿凡達2》及聖誕檔，場次都是「天地場」；人們說佳節不想看太灰的戲，《窄路》並不灰，反而很暖。電影也不可以「慢慢煲」票房，票房欠佳就要cut場讓路，因為院商要交租。導演們謝票後接受《娛壹》訪問，何爵天說：「如果一開頭票房唔太理想就會被cut場，如果真係有興趣就快啲入場，真係唔好等，因為遲下仲有其他電影上，呢個係一個好現實嘅問題。」

曾憲寧也說：「我有啲朋友驚《正義迴廊》就快落畫，所以覺得《窄路》可以遲啲睇。我就好緊張同佢講唔係㗎，因為《窄路》都有cut場風險，我估坊間都有呢種印象。如果大家喜歡呢兩套戲，最好一晚睇晒兩場，咁就唔使搭多次車喇。」

她說今次六位新導演一齊撐林森，反映這一代新導演都很支持香港電影，「唔係只係為咗自己作品，呢個精神好好。香港電影面對全球其他電影，行嘅係一條窄路，香港電影喺全球市場或者係一粒微塵，但如果有大家嘅支持，香港觀眾可以見到呢粒微塵，更加希望其他市場都見到呢粒微塵。希望大家繼續支持香港電影。」賈勝楓也說：「大家睇完呢套戲，知道佢嘅質素喺邊度，我覺得最緊要係，好睇到林森導演淨係想將呢套戲拍畀香港觀眾睇，呢個心係大家feel到。」

【「好多變數，冇人捉到路，只能盡力拍好自己嘅戲」】
卓亦謙形容《窄路》是「刀仔鋸森林」，一部《阿凡達2》足夠拍400部《窄路》，「我點解會咁欣賞佢哋嘅奮鬥精神呢？因為呢部戲本身就係講呢樣嘢，希望大家多多支持《窄路微塵》，多謝！」今次行動發起人曾慶宏也說，每位導演風格不同，但拍的都是自己相信的故事，「呢幾年真係變化好大，有好多電影你估唔到佢咁勁，有啲可能，『冇理由㗎，點解冇人支持嘅？』好多變數，我哋冇人捉到路，只能盡力拍好自己嘅戲，喺其他作品需要幫手時出多啲力。其他真係要交畀觀眾。導演做到嘅，就係拍番自己相信嘅作品，之後係好靠觀眾關注支持，鼓勵我哋繼續去行呢條創作路。」

何爵天新片《死屍死時四十四》四月上映，大家都笑這部戲應毋須告急，何說：「一個良好嘅電影工業都要大家入場支持，令成個創意工業繼續有戲拍、工作人員有工開、演員有戲演，觀眾有好嘅電影睇，我覺得成個工業應該係咁樣。」

林森今日在社交網答謝支謝：「邊個話呢個世界無好人存在？點解喺我身邊會大量出現咁多好人好事？除咗感激不盡之外，真係唔知講乜好！大感謝呢六位導演嚟幫拖謝票，佢哋純粹真係江湖兒女，好有義氣！沒齒難忘！」他亦再次多謝觀眾，感恩因為《窄路》令彼此在窄路上相遇，互相扶持！

個細路女做得好好
同張繼聰陣佬味好入戲
點解票房會咁差
套戲改錯名，觀眾唔明？

宣傳不足？

對困境既呼喊唔係超深刻

套戲唔係唔好，不過只係一般

我覺得係戲名出事
觀眾會以為係悲情片如《天水圍的夜與霧》之類咁
其實不然，寫實得嚟又有正面訊息
基層也可以堅強面對逆境

又用情緒勒索谷票房

同古天樂有冇關係？
如果同呢條撚樣有關就唔使講

而家套套都咁搞
痴撚線

因為真係太少人睇，見到d場全部綠色任買..
利申：已睇，唔會話真係好撚好睇，但票房唔應該得咁樣，覺得都幾慘

其實唔睇咪唔睇囉
反正你落架一兩個月後網上任睇

套戲唔錯
不過拍得呢個題材就預左少人睇
我覺得佢地諗法好矛盾

推

因為現實比電影更荒謬

咁唔怪得唔收得

個人覺得想寫社會掙扎的話
劇情主軸放係袁澧林，寫劏房戶寫單親年輕媽媽好過

屌你個老母，日常生活都夠苦架啦
你又要人入場面對多一次，之後比返啲正面能量我
我搵社工做下輔導唔撚好？

香港都大壓力架啦，比人放鬆下啦仆街

改錯名 一睇覺得好文藝好灰

套套都收三五七千萬咩大佬