而家好似冇咩導演再拍《慳錢家族》個種膠味濃喜劇

唔太識形容，同星爺個類喜劇好唔同，星爺其實去到90年代中打後個堆都唔應該定性做純喜劇，本身劇本個故事已經有一定深度，可以做埋複雜少少既文本解讀，同早期家有喜事個種好唔同，嚴格黎講香港喜劇至少要分返開星爺個類同非星爺類

慳錢家族呢套，認真討論卡士稱唔上係大，153﹑do姐為主，仲有未變人瑞既人瑞同單春，但夾起上黎又幾on9幾過癮，似係絕世系列﹑化骨龍系列個種，用一條大橋夾埋好多on9細橋去做下諷刺咁

不過再睇返趙崇基，佢拍完呢套之後都冇再掂港產喜劇，13年個套唔計，係咪喜劇多數收唔返條數所以愈黎愈少人投資？連古劉張都從良之後，香港好似真係冇咩好地道既喜劇可言

飯戲其實都好難當係喜劇，上年暫時睇左既，除左緣路好似有少少意識想行喜劇路線但最後都冇做到，其他新導演或者本身有返咁上下知名道既導演好似都唔會再考慮拍喜劇咁，新導演最佳操作多數都係淪落人個種，有冇行家可以解說下近年係因為氣氛定投資問題？

明明喜劇最搵到錢
唔知點解新導演都好鍾意拍比較深奧既劇情片
有點吃力不討好

呢套幾好笑最記得逐個站搭巴士

唔該要五隻一蚊雞

原隻指天椒炆雞 係哂度架啦

順帶如果有行家入到黎，可以傾埋好似陰陽路呢種低賤恐怖片呢幾年又係冇晒咁，係咪因為大陸市場問題？D投資者想一雞2味拍完放埋上大陸所以唔考慮鬼片恐怖片？對上一套都幾有印象已經係juno套殭屍，其實恐怖片個玩法認真係可以幾多下

最撚弱智係D湯放晒入do姐個兜到，都幾撚仆街，條橋係cheap但真係好撚好笑

好懷念細個睇過既 猛鬼XX 系列
真係好正，又要驚又要睇

呢套好睇

日日都大刀會、美麗新香港，仲喜乜撚嘢劇

連黃子華都講到明唔會再搞棟篤笑

你瞓撚咗好耐？

視帝祥最強綠葉又一表現
扮嘟8達通個段好好笑

因為現實比鬼片更恐怖

cc台朋友可以返返去cc台先心情唔好同打不打J拍不拍喜劇，只可以話可能有corelation，唔係前因後果黎

我都係最記得上車扮"嘟"8達通
其他就係去士多買杯麵零食再賣返晒俾地盤佬搵錢

賤精先生都好正

愈膠愈好

呢套無咁好笑
班演員無慳錢咁放

係嘅係嘅，你扮盲咪可以乜都唔理
現實係點你知我知

黑鮑

好似近排先成班YouTuber+新人拍左套

近幾年得套不日成婚算係真喜劇，gap接gap

我真係好鍾意香港個班一早移左民啦
留係度嘅 個個都藍絲黎㗎啦

咸魚壽司

猛鬼3寶
不過一般

邊度有得買番