太太羅美薇神隱廿年 揭張學友狂推job之謎

娛樂圈特別多渣男蕩女，但好男人好老竇好彩都仲有，張學友都可以說位列三甲。好男人形象非常貫徹，出道緋聞幾乎零，學友是羅美薇（MayMay）的初戀，雖然話初戀多數不得善終，但拍拖多年無風無浪，到96年二人順理成章拉埋天窗，成為當時佳話，良緣天定，婚後學友顧家搵食之責一人揹起，MayMay就安心照顧家庭做全職主婦。

除了好老公更是好老竇，自從大女瑤華01年出世後，學友已經減少幕前演出，4年後迎來幼女瑤萱，學友索性將所有工作都推晒，有幾年直情無晒影，唔講以為佢提早退休。

點解學友要半退休，原來係為了專心湊女，原因唔係請唔起工人，只係佢唔想錯過咗兩個女成長期，怕將來就後悔莫及追唔番，兩個女喺香港讀書，學友日日做柴可夫，送返學接放學，全程自己跟到足，咁多年好少見老婆蹤影，係因爲做咗張太後，MayMay真係唔想再喺閃光燈下出現，每次送女阿媽都將自己收埋，拉晒窗簾。

七人車後面，兩公婆夾到絕，非常成功避開傳媒視線，後來夫婦二人決定送兩個女去英國寄宿，學友呢位視兩個女係前世情人嘅絕種好爸，每個星期都會飛一次倫敦，仲要係民航機，舟車勞動，等兩個女知道老竇任何時候都stand by照顧佢哋，如是者學友一年搭幾十次長途機，諗起可以見到兩個心肝寶貝，完全唔當苦差，非常自得其樂，所以嗰幾年學友忙到癲，係因為個個星期要飛。

1分

後來兩個女兒唔適應外國生活，學友第一時間接兩位千金回港，繼續日日做柴可夫，接送阿女出入。所以瑤華瑤萱兩姊妹同老竇感情好到不得了。身邊朋友成日笑學友，因為兩個女跟老婆餅印般，尤其大女瑤華，學友一定係超級愛MayMay，三個女人已經繫佢一生。

新聞來源：https://hd.stheadline.com/life/ent/realtime/2397197/即時-娛樂-星8卦-太太羅美薇神隱廿年-揭張學友狂推job之謎

佢最蠢係買咗雷曼

佢後尾話雷曼只係蝕左PORTFOLIO既3%

信佢？ 個年接咗咁多job

一年就賺返哂

輸剩3%

原來咁好搵
唔怪得姜濤成日擺工

我覺得羅美薇後生幾靚
又白又有氣質
難怪學友咁錫老婆

但張學友歌迷會多謝雷曼

不過工人單野就

佢兩公婆係請唔到工人，俾菲律賓領事館blacklist 咗

佢老婆真係好正

淨係菲律賓bam嘅話點會請唔到，香港大把其他傭啦，除非咁多國一齊bam佢

點解爛面矮佬無肌肉都溝到索老婆

神穩諗起千與千尋

傳聞換過60個工人….仲要有晒新聞話佢成日炒工人…其他國家嘅領事唔ban佢，啲agent 自己都blacklist 佢

啲格一定好撚閪

好似話係有嚴重潔癖

兩個拍戲一見鍾情