再睇返之前，我亦都get唔到邊度描寫到「除左拍死冇其它方法，唯有咁做」既片段，無論係狸猫嗰句語氣直頭有少少可愛「也咩啦晒！
」，定係隨便就諗到既各種其他解決方法。又，可能係有講既，唔明顯姐？咁假設佢又真係設定到得拍死依招，但亦都冇任何一幕係描寫到佢做出依個無可奈何選擇既心理糾纏，要知道佢唔係咩戰場老兵亦唔係3明，佢之前仲係一個驚到縮喺度既細路女，而依嘢更係佢第一次出手開殺。
只需要老母講兩句就當下極速諗完所有野克服一切心理關口從而輕鬆笑住咁去實踐？（沙慈表示：…..）狸猫就似俾人洗腦多啲
可以想像，就算有其它方法去救米米，情況未必緊急到只剩拍死，佢都好可能直接拍落去，因為佢內心已經有老母既聖旨，有神庇佑無需顧忌
而依點亦都符合之前既描寫，好比前幾集開公司之後狸猫因為老母向自己講大話而疑惑，然而當老母擺起黎明pose 向佢講幾句內容空泛既好說話之後佢就立即消除任何疑慮（嗰幾scene 都相當詭異），連旁邊既米米見佢180度轉變都o左嘴
