拿首先要分清楚「唱功」同「唱法」又係你啊信徒
佢聽落好似成首歌冇咩起伏咁，因為佢「唱法」好溫柔細緻，聽落就好似好平淡好喃無，冇咩爆發力咁。
但你聽真D其實佢D歌既「音域」係闊，「音域闊」既意思係最低果粒音既「音高」同最高果粒音既「音高」距離好遠，亦即係話中間有好多粒唔同既音，要駕馭到「音域闊」既歌一係你天生聲帶好，一係後天系統性唱歌訓練去拉闊你個「音域」
而林家謙D歌其實大部分都有好多真假轉換同埋節奏偏快，仲唔少位有好多滑音，但佢成首歌既聲音轉換都係好流順，好行雲流水無縫接軌咁樣，其實難度係好高
因為大部分廣東歌都係拎混音黎唱，主歌通常真音，副歌就混音+假音/一直混音+最後高潮位混音嗌上去。好少出林家謙呢種行雲流水玩成首歌不斷真假轉換，但冇特別高潮位既歌，所以正常黎講大部分香港人初初聽一定覺得佢D歌好悶
你可以試下唱小心地滑同埋某種老朋友，錄個音比較下自己唱兩首歌唱成點，就知其實小心地滑既混音爆發力，同埋林家謙喃無唱法真假轉換，你要唱到同感覺同效果，其實兩個都係唔易，就算你D音準晒，「音高」全部唱岩，冇甩BEAT冇FLAT，都未必唱到佢地分別唱出黎既感覺
所以你可以唔鐘意林家謙既喃無「唱法」，但唔可以話佢「唱功」差或者冇實力，因為唱功佢絕對係勁
你要評價一個歌手「唱功」差，首先你要分到「唱功」同「唱法」既分別，你唔鐘意佢既「唱法」係冇問題，因為聽感係好個人，但「唱功」係fact，係可以由首歌既難度，音域，由歌手個人既「音準」、「音域」、「轉換」等等既技巧去判，而你本人就因為討厭佢既「唱法」，而覺得佢「唱功」差冇實力，咁就姐係你唔識音樂
唔好成日用呢段嘢去掩飾難聽嘅事實
講真聽音樂最緊要好聽 舒服 鐘意
林子祥唱功夠勁啦 係咪好好聽啊
唱粵曲同汪啊姐d歌難度都好高好有唱功
點解咁多人聽到皺晒眉頭 因為唔入耳囉
有唱功唔代表啱聽，唔鍾意唔代表唔識音樂
由頭到尾只係解釋緊佢嘅唱功用法
解釋唔到點解佢會唱得咁難聽
《追憶》、《最愛是誰》、《每一個晚上》唔好聽？你講嘢？
鏡中鏡歌詞根本就係講緊班癲糖，班癲糖竟然唔知
中意得姜b嘅全部都係四五十路 即係你
