【接力】姜濤，你有冇諗過點解咁多人唔中意你？(11)

其實整個世界既流行音樂界別都崩壞緊，係美國，英國，日本同歐洲某d國家等叫做守得住條底線，而令到世界流行音樂崩壞既元兇，一定係KPOP，佢地出既野，基本上一個肯掉錢既國家，一定能夠做到，偶像訓練，錢，強勁既跳舞，錢，整容，錢，哪些西化得黎抄到不倫不類既歌，對於一般有返咁上下功力既作曲家/抄曲家，根本唔難

韓國人，本身唔係咁多靚人，佢地唔知醜地去整到一式一樣咁去出道，其實好影響後世人既審美觀，以前既明星，靚得黎仲要有個人風格，要易認，亦唔可以一味靠個妝去呃人，韓國就唔同，整到差唔多樣仲要重妝，下一兩代既審美觀一定毫無品味

而洗腦kpop亦係一樣，冇靈魂，亳無味道，如果係80-90年代，呢d歌最多只能夠放係大碟充斥吓場面，或者做第三第四主打

而果d猛用力既強勁舞蹈又係戇居，跳舞除咗睇技巧，感情之外，有時個圖案編排都好重要，宜家一吓子搵咁多班人，將件事推到極致，有陣時我都好懷疑班韓星係咪大部份時間都只係播碟，咁我究竟係睇緊一班歌手定dancer？

香港既viu台果班就更加係劣化版，仲用埋d扮黃手段去呃觀眾，品德上已經係零分，一個由超級富豪搞既電視台，竟然係咁唔落本去做，宜家連個台格都冇，證明個老闆根本就係冇心搞好個娛樂圈，純粹想搵水魚買或者借黎上市集資呃返一筆

好簡單，睇英超球會就知，個油王入主一隊球會，如果係有大志既，必定係會掉好多錢出黎搞好佢，宜家viu既狀況，擺明就係似係只係想借個疫情黎搵笨柒，或者係做d政治任務