（認真問）阿妹發癲 好嚴重 文長

為左比人睇得落，先講左重點，最近嘅情況先，有興趣可以睇下面背景同起因。

呢排阿妹情況越黎越嚴重，係冇啦啦發癲。前幾日元旦先成家人一齊打邊爐，有講有笑，第二日就突然鎖埋自己係房門，有時佢會鎖所以都冇為意，加埋我同屋企人呢幾日都要返工，佢放長假就自己一個人係屋企。點知條hihi鎖埋幾日冇食冇飲，涼又唔沖，叫佢食飯又話唔食，老母買佢怕就放任左佢，最後今日忍唔住拆左佢個鎖，就發現佢係度喊，成房d嘢整跌曬，亂到乜咁。老母問佢做乜又冇啦啦發癲啊，前幾日先好地地，我地冇做過d乜令你唔開心嘅嘢喎。就開始打我老母，用指甲好大力滅佢，老母鬧尻完佢之後去左煮飯，我就入去睇下乜料，佢開始係度暴喊，歇斯底里式。好用力咁扯自己頭髮，扯到有忽禿左一塊，我見到就即刻捉撚住佢，跟住大叫我老母入黎。老母見到跪曬係度，喊到乜咁話自己唔識養你啊，已經對你好自由（我老母對我好嚴）。老母又冇做錯咩，你有咩事啊，同我地講啦好冇，大家一齊解決問題啦，洗唔洗同你睇醫生啊？佢仲直接吐口水係我老母塊面度…我就問係咪學校有人恰你定老師對你唔好？你再咁樣要送你去睇精神科啦！搞你唔掂啊。佢又唔出聲，聽到某d問題就冷笑幾下，好不屑咁，期間都係咁用力滅，用手錘我地。繼續暴喊，喊到好恐怖戈種，好大聲尖叫。跟住老母就話攞手機拍比佢班主任睇下點算，一拍佢就收曬聲，即刻正常曬，姐係仲要面嘅。
依家個問題就係佢開始自殘，又唔講任何問題，佢個人無慾無求，所以軟硬都唔食，趕佢出去，打佢，用愛都唔得，好撚棘手。以我個人認為又唔算係全部精神問題，佢控制唔到情緒部分比較多。佢唔怕呆，似係成日冇啦啦唔爽我地，睇到呢度覺得有興趣嘅c兄可以睇下面背景同起因了，想求大家思路。

背景：阿妹今年16歲，讀緊中五，以前乖乖女，成績前十 。興趣冇乜，鍾意睇下動漫，宅女，但平時叫到都會出街，有一個女仔fd（好fd）。

事件發生前年開始，有日佢同老母講覺得呢個世界好唔真實，自己個人好唔舒服，覺得自己好似死左咁，個腦唔知點。老母就帶左佢去磁力照腦，結果好正常嘅。

我有時有d搞笑/獵奇嘢都會叫佢一齊睇，有人就叫左佢一齊睇老高（youtuber），之後佢就沈迷左d獵奇嘢度，最後係focus左係靈性戈方面（靈力/能量），就開始睇好多呢d片，又話自己就黎開天眼又乜乜乜。到目前為止睇得最多就係兩個印度大師：Krishnamurti同sadhguru薩古魯 主要係前者。之後我都有睇過下，Krishnamurti條友講d嘢我唔係好buy，咩面對恐懼要點，只要有悲傷就會如何…主要係佢個人d意識觀念，覺得有d邪邪地，但又講唔出邊度邪。叫佢唔好睇咁多，佢又唔理。跟住就開始黎料，成績一落千丈，老母鬧佢就係咁用d歪理話讀書冇用，唔想讀，壓力好大。老母都係講戈d讀好書搵到錢想點都得啦！佢就無慾無求，覺得冇錢冇學識都冇所謂，佢又比較崇尚d耕田生活，吹佢唔漲。之後個人就越黎越古怪同失序，收收埋埋自己做d奇怪嘢，睇d奇怪書。老母同d同事吹水講下，同事就話似係撞邪咁款，推薦左個神婆睇睇，神婆一嘢就講中老母落過三個仔，呢下幾神。睇完又話我老母落過幾個仔，所以依家係d仔搞緊佢，之後搞場龍鳳比左錢，以為有料。點知都係冇撚用。老母平時會屌佢，依家就開始唔敢惹佢，好放縱，驚佢會精神病。之後都係有時正常幾個月某幾日就發癲，乜都唔理人。後面有次機會帶佢去睇心理保健，係房度同個醫生吵左好耐，乜唔想讀書，講好多歪理，醫生都冇佢乎，覺得佢精神冇問題，只係對未來充滿迷茫，同埋少少家庭問題，唔怕黐線的。一路斷斷續續到依家開始有自殘行為，覺得再係咁唔掂，集思廣益下，佢依家肯定唔會去睇心理，除非報警拖佢去…依家佢暴喊完訓著左，實在冇辦法，大家有咩建議。

整mon先達

小心比人換走塊底板

阿妹+發嬲=整電話

除咗去搵專業人士之外真係冇乜可以建議到俾你

你細妹食左你d隔行符號？

依家佢唔肯去 除非打暈佢

輕微妄想症加思覺失調 完

帶佢去印度見大師

你講多少少你屋企物理環境嘅轉變，或者係任何你覺得關事嘅關鍵事件。

快啲帶你細妹去睇醫生
佢有情緒病（似係焦慮）
公院好貴 搵間好啲既家庭私家（要有情緒科）排隊
Ps: 預會貴啲

同佢講野你要懷住平靜既語氣 要多十倍既包容
因為你唔會明佢世界係點
只要關懷同愛 加油

佢依家唔肯去睇醫生了 講嘢都唔理人 除非用武力..

你個妹冇得救 玩完
利申霍格華茲畢業 主修黑魔法防禦術 奇獸飼養

要咩資料

捉佢睇醫生啦 仲信埋啲神棍

下次係佢有攻擊性果陣係可以報警綁佢入院

不如真係送佢去耕一陣田

借號上黎問 唔係好識玩 sor..

屋企人開口埋口就話自己發癲
就算本身冇問題 都俾你哋搞到有問題啦
就算真係有精神病 最緊要係你哋唔好judge佢 平靜同佢討論

最後一步了

精神病喎，再唔捉佢去睇醫生你哋都有危險

咪係囉 情緒唔舒服真係好普遍 你阿妹好需要支持 首先唔好label左佢呢種行為就一定係發癲