姜濤，其實你有無諗過點解咁多人鍾意你？

藤宮真晝 2023-01-07 01:00:09

利申返先，非姜粉

因為你一直努力不懈咁生活，你細個係肥仔，但你為咗實現夢想會努力減肥，會獨自一人前往遙遠國度參賽。全民造星初期你被其他參賽者誤會、圍攻，但你無放棄，不斷努力證明自己最終奪冠。

因為你一直都好重視身邊嘅人，你工作忙碌都會抽時陪屋企人，你希望同屋企人共享每個重要時刻，所以演唱會一定會邀請佢哋，你對識於微時嘅好友離世感到難過，會用音樂表達你嘅感情，叱咤舞台中你唱到流淚掩臉，相信好多人都會明白你對朋友嗰份真摯與不捨。

因為你一直都好有目標，你希望光復香港樂壇，希望香港後生仔會成為亞洲第一，你得獎致詞感謝同齡音樂人湯令山，代表你真心想推廣香港音樂而唔係只想自己做主角，你每首歌每個故事都感受到你不停成長，你會為目標不斷前進而非流於口號。

因為你一直都好有才華，你唔係唱家班出身，但你首奪我最喜愛男歌手嗰陣已經技驚四座，年資短淺嘅你平穩演繹《蒙著嘴說愛你》，表現完勝同場各位前輩，亦令網絡上勁多人黑轉粉。《作品的說話》雖然唔係你作曲填詞，但你有份構思MV，你會同導演溝通你嘅想法，你想由歌曲傳遞訊息，我相信香港樂迷都睇得一清二楚。

因為你一直都會挑戰自己，初初你只係想做歌手做音樂，但你會不斷挑戰自己，你會去拍戲拍劇，唔會虛度光陰，《阿媽有咗第二個》票房超過四千萬，你除咗為香港樂壇努力亦為香港影壇努力。

因為你一直都好堅強，出道至今你遇上好多挫折，有被誤解、被追擊，無論粉絲又好傳媒又好，一直遇到好多嘅滋擾，雖然偶有發侮氣，但你依然係嗰個努力做音樂希望得到人認同嘅你。

姜濤，雖然最近好多人對你講啲好難聽嘅說話，但我想講：「我永遠都會支持你，風雨不改。」

被害球王病屍麻 2023-01-07 01:00:29