陳百強《痴心眼內藏》：曾經最高價的粵語CD

　　粵語CD自1983年推出後，迄今已經三十八年，而在這悠長的歲月中，有部份CD曾經在市場上成為「搶奪」的對象，原因很多，其中一個就是出版數量。1987年，DMI為Danny（陳百強）推出旗下第二張專輯《痴心眼內藏》，當年此專輯的CD並非同步推出，記得筆者當年剛出來工作，先買了黑膠大碟，盛惠$35，過了數月後見推出了CD，定價為$90！那些年，並未擁有CD播放機的我，當然沒有購買定價比黑膠高近三倍的CD！

　　數年之後的1989年，終於擁有CD播放機的我，開始追逐舊版CD，然而在兩年之後，要找上述這張CD已儼如大海撈針般困難，遍尋不獲後，同一年中，信和中心除了租售CD店外，開設了首間二手CD舖「CD交易所」，就這樣，開始了漫長的尋寶遊戲！

　　1990年初，二手CD舖數目開始增加，一次在聯合廣場二樓一家名為「二友二手CD店」內看到這張陳百強CD，當時二手價飆升到$280，因為不忿炒價而放棄購買，終於在同年8月中，於「CD交易所」以$55正常二手價尋回這張CD！但此張CD出版數量相信不多，因自此很少機會再看到它，就算到1995年自己開二手唱片店亦只見不足五次。

　　開店之初，朋友把這張CD寄存店內售賣，當年已收價$500，與《神仙也移民》專輯收價相同，我以每張$550出售，成了價值不菲的Danny作品！十多年前，最高峰二手價為$35,000！成為史上最高價二手CD，能如此搶手一定有其原因，一首很有內心表達的《情人》、與陳美玲合作的《約會》，加上Danny深情演繹的《夢囈》、《痴心眼內藏》更是經典！此東芝廠的音色走細緻精準風格，《夢囈》、《情人》內斂感情本表露無遺，《夢囈純音樂》更有另一番體會！

新聞來源：https://hd.stheadline.com/life/hotpicks/20210428/375101/生活消費-hotpicks-恩-賞音樂-曾經最高價的粵語CD （頭條日報）

宜家嚟講一係玩返黑膠
一係串流
CD好尷尬
真係用愛發電先買

以前信和中心商場差唔多層層都有二手CD鋪，而家都所剩無幾啦！

黑膠珍藏價值至高

「防疫」暴政結果

當時二手價飆升到$280，因為不忿炒價而放棄購買

就算到1995年自己開二手唱片店...........我以每張$550出售，成了價值不菲的Danny作品！

屌人炒價,之後自己走左去炒

膠最撚貴應該係頭版 張學友“真情流露”, 陳慧嫻“歸來吧”, 畀班天龍人炒到五萬蚊隻

典型香港廢中

你可以上vinylhk.com（港膠所）搵下。PC同關淑怡有成堆黑膠標價五位數。

CD除咗24K金碟實在冇邊類值得炒

我外行人買舊CD為珍藏唔會講究老作嘅炒賣標準

我買CD都係為收藏
黑膠包裝嚟嚟去去都係咁
CD多好多花款
仲有就係易啲轉無損檔

CD會老化，十幾廿年就play唔到，無收藏價值。

果個年代CD係高科技產品，買得起CD嘅人少，所以出版量又少，食炒價都肯買嘅人更多既唔係攞黎聽而係收藏，尤其而家聽歌係隨時隨地都有得聽，更證明炒價嘅存在是為咗滿足部分有收藏情結嘅人

果個年代CD係高科技產品，買得起CD嘅人少，所以出版量又少，食炒價都肯買嘅人更多既唔係攞黎聽而係收藏，尤其而家聽歌係隨時隨地都有得聽，更證明炒價嘅存在是為咗滿足部分有收藏情結嘅人

黑膠用得多都會刮花刻痕，相對黎講CD無呢個問題

黑膠可以買兩隻，一隻聽一隻收藏保值。
CD唔掂佢密封入盒都會自已老化，完全不能保值。

其實唔明點解歸來吧到而家都有升值能力
第一版CD都有炒價

吓我啲80年代CD全部仲播到無問題喎
正常工廠印出嚟嘅CD可以last至少50-100年
你係咪講緊自己燒啲CD

慧嫻最高水準大碟之一, 寶記錄音水平數一數二高, 紅茶館, 飄雪, 月亮, 同“咖哩牛腩飯” 都聽出耳油

咖哩牛腩飯
這裡才是快樂老家