決定唔會再睇Reels嗰啲抖音廢片

越諗越覺得呢啲片真係好撚得人驚
明明知道佢啲垃圾內容係無幾好笑
又唔會睇到有咩得著
但就係會不自覺係咁碌 等紅綠燈碌兩條
等巴士又可以睇十幾廿條
好似食晒你所有空餘嘅時間 等你無時無刻都有嘢做緊

但問題係不停有嘢做 個人唔會抬返起頭望下身邊
又好難有時間比自己諗下嘢
好似慢慢同現實個世界分開咗咁

啲廢片只係不斷咁滿足緊一種「到底下條片係咩」嘅好奇心
好似部唔洗錢狂扭嘅扭蛋機咁
明知扭垃圾都仲會手痕想扭下

但其實呢種好奇係永遠唔會被滿足
只會不停咁碌 越花越多時間喺上面
而且帶來唔到啲咩正面嘅嘢
舉個例咁講 你等紅綠燈嗰十秒廿秒
真係悶到抽筋 開始亂諗點解紅綠燈要用紅黃綠三隻色
走去google搵下答案都仲有意義過睇Reels啲廢片

結論係我決定唔再睇 建議大家都睇少啲
可能有啲人覺得有益 都歡迎討論吓

智障片愈睇愈智障

呢d快餐文化最大問題係會令觀眾越黎越無耐性
d人就會慢慢接受唔到傳統影片/電影製作嗰種情節鋪排
下下都要刺激、下下都要快捷fast food
完全係強國垃圾文化輸出

就係覺得開始變緊智障

最恐怖係有一種片
係不斷loop著一啲過程
例如好似想煮野食 佢教你煮
之後不停落醬 不停落醬
就算成pet野已經不似人型
都係繼續落
最後其實無結尾
成條片只係不停落醬的引你睇落去等結果

就好似行山有班仆街會話就到嫁啦 過埋依個山頂就到
然後就一直都唔到咁

仲有種係喺最尾有你想要個重點
例如係啲字嘅教學 或者一個成品圖
但閃半秒就無鳩咗 你想再睇就要重頭等佢播多次
跟住捉到嗰一下㩒停佢

仲加埋大6罐頭笑聲 真係好L想嘔
內容無非係窮小子原來係高富帥、社會測驗拜金女
再唔係人生語錄心靈雞湯長輩圖，無用嘅gibberish
我哋生存喺呢個世界度唔通所做嘅嘢就只不過係睇一千萬條呢啲19抖音廢片，咁嘅人生真係不值一提

Facebook 好多，會不自覺地睇
好恐怖，睇睇吓都提自己要戒

支持

真，喺地鐵見到d小朋友碌YouTube shorts
全部都係垃圾片黎

我本身都碌得好勁 所以先想戒

同感
睇到我都覺得自已智障

明知係毒藥 一碌又唔見左十五分鐘

但有d 咸濕黑絲口罩女扭扭下 又忍唔住成日想睇。。

仲有d 整容大陸妹 又係忍唔住成日睇 淫賤不能移

因為唔想睇reel所以唔再玩Facebook同IG

想Block 好耐但即本冇得block

真係 我都係咁

仲要佢依家放咗喺IG中間嗰個位
一入去就好自然會㩒
睇放大鏡又可以連上嗰啲廢片chain係咁碌

真 養到啲人愈來愈冇耐性 睇野愈來愈膚淺

完全係冇質素既速食垃圾片
見到d kol youtuber 係咁玩我都冇眼睇

好想戒
(唔只ig reels, 碌連登廢post, 睇下youtube 有咩廢片都係）
試過將電話較grey scale
朝早聽podcast
維持一陣又fail (意志力薄弱
有冇人想開個谷一齊匯報下進度（screen time
一齊戒下

仲會睇到再無耐性睇長片

睇過其實就已經係智障 算吧啦你

我覺得連登都好少少 起碼都會用腦諗下唔係淨係一味接收
同埋有時都有啲有用嘅嘢吸收吓
暫時淨係想戒咗Reels先